Dzieviać hadoŭ tamu adbyłasia Płošča-2010: prajšli prezidenckija vybary i masavaja akcyja pratestu
Dzieviać hadoŭ tamu, 19 śniežnia 2010 h., u Biełarusi prajšli čaćviortyja prezidenckija vybary.
Pavodle aficyjnych źviestak, pieramohu na vybarach z vynikam amal 80% atrymaŭ Alaksandr Łukašenka. Niezaležnyja apytańni asprečvali hety vynik.
Viečaram 19 śniežnia ŭ Minsku prajšła akcyja pratestu. Jana stała samaj vialikaj za apošnija hady (kala 40 tysiač čałaviek) i była žorstka razahnanaja. Pierad akcyjaj byŭ žorstka źbity Uładzimir Niaklajeŭ.
Bolš za 700 čałaviek trapili za kraty. U Biełarusi prajšli pieratrusy ŭ demakratyčnych aktyvistaŭ, na ofisach arhanizacyj i redakcyjach haziet, u tym liku ŭ «Našaj Nivie».
Z eks-kandydataŭ Andrej Sańnikaŭ byŭ pryhavorany da 5 hadoŭ pazbaŭleńnia voli, Us — da 5,5, Statkievič — da 6, Niaklajeŭ — da 2 hadoŭ z adterminoŭkaj na dva hady, Rymašeŭski — da 2 hadoŭ umoŭna. Byli asudžanyja niekalki hramadskich aktyvistaŭ. Usiaho byli asudžanyja za «masavyja biesparadki» 49 čałaviek, a ŭ niekalkich redakcyjach i žurnalistaŭ, u tym liku ŭ «Našaj Nivie», prajšli pieratrusy i kanfiskavana technika.
Paśla ŭsich asudžanych pravaabaroncy, ES i ZŠA pryznali palitviaźniami. Apošnija fihuranty spravy vyjšli na svabodu paśla pamiłavańnia prezidentam u žniŭni 2015 hoda.
Dzień i viečar 19 śniežnia 2010 h. u chronicy «Našaj Nivy».
Noč na 20 śniežnia i dzień 20 śniežnia ŭ chronicy «Našaj Nivy».
-
Znojdzieny pad Viciebskam bivień mamanta mahło prynieści tudy tałymi vodami
-
«Takija vypadki vielmi redkija». Pradpryjemstva adkazała biełaruscy, jakaja znajšła ŭ marožanym kavałak mietału
-
Homielski hubiernatar pachvaliŭsia, što sioleta ŭ rehijonie stała bolš pieršakłaśnikaŭ. Ale letašnija ličby hetamu piarečać
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary