Ramont na nitcy Mazyr — Brest — 3 nie paŭpłyvaje na tranzit nafty ŭ Jeŭropu
Ramont na ŭčastku naftapravoda Mazyr — Brest-3 nie paŭpłyvaje na ahulnyja abjomy tranzitu rasijskaj nafty ŭ Jeŭropu. Pra heta zajaviŭ žurnalistam pieršy namieśnik hiendyrektara — hałoŭny inžynier AAT «Homieltransnafta Družba» Andrej Viaryha, piša BIEŁTA.
«Intaresy kupcoŭ nafty ŭ Polščy i Niamieččynie nie buduć uščemlenyja. Usio ŭzhodniena. Bolš za toje, ramont učastku nitki ŭ Mazyrskim rajonie supadaje z anałahičnymi pracami ŭ Rasii. Usia pradukcyjnaść łancužka ad Samary da Polščy źnižana da abumoŭlenych abjomaŭ», — padkreśliŭ Andrej Viaryha.
Jak paviedamlałasia, pradpryjemstva prystupiła da ramontu na ŭčastku naftapravoda Mazyr — Brest — 3. Ramontu padlahajuć 17-j i 30-y km trubapravoda. Padčas dyjahnostyki tut było znojdziena značnaje nazapašvańnie adnarodnych defiektaŭ u ramkach adnoj siekcyi. «Akramia taho, učastki znachodziacca ŭ zonie z vysokaj antrapahiennaj aktyŭnaściu pablizu nasielenych punktaŭ i vadajomaŭ. Hetym abumoŭleny istotnyja ekałahičnyja ryzyki dziejnaści pradpryjemstva», — rastłumačyli ŭ AAT «Homieltransnafta Družba».
Praduhledžana taksama zamiena siekcyj ahulnaj praciahłaściu 40 m. Raboty płanujecca zaviaršyć 17 studzienia.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary