Łukašenka choča pastavić na «Pałanezy» jadziernyja bojehałoŭki
Paśla narady ŭ Łukašenki pa pytańniach rakietnaj vytvorčaści dziaržaŭny sakratar Rady biaśpieki Alaksandr Valfovič zajaviŭ, što «razhladajucca pytańni» asnaščeńnia biełaruskich sistem «Pałanez» rakietami ź jadziernymi bojehałoŭkami. Zabieśpiačeńnie «Pałanezaŭ» jadziernaj zbrojaj stała b vialikim krokam u kirunku jadziernaha statusa Biełarusi, pa anałohii z Paŭnočnaj Karejaj.
«Siońnia heta sučasny kompleks. Dalokaść rakiety była 200 km, siońnia heta rakiety [dalokaściu] 300 km. Heta vysokadakładnaja zbroja. Viadoma ž, lubaja zbroja patrabuje karekciroŭki, uniasieńnia źmianieńniaŭ. Pytańni ŭžo staviacca asnaščeńnia hetych rakiet jadziernymi bojehałoŭkami. I jak intehravać technałohii «Arešnika», moža być, u niejkija rakiety sumiesnyja», — skazaŭ sakratar Rady biaśpieki.
Valfovič śćviardžaje, što heta adkaz na raźvićcio rakietnych technałohij u krainach NATA: «My hladzim, jak našy susiedzi, zachodnija krainy, amierykancy stvarajuć anałahičnyja kompleksy z dalokaściu 600 i bolš kiłamietraŭ. Viadoma ž, treba paśpiavać i iści ŭ hetym kirunku».
Ustanoŭka jadziernych rakiet na «Pałanezy» pryviała b da taho, što ŭ biełaruskich vajskoŭcaŭ źjaviŭsia b kantrol nad hetymi jadziernymi rakietami. A heta ŭžo parušeńnie mižnarodnych damoŭ.
U Rasii zajaŭlali, što jadziernaja zbroja na terytoryi Biełarusi budzie składziravacca, a poŭny kantrol nad joj budzie zachoŭvacca vyklučna za rasijskim kiraŭnictvam. Pry hetym Łukašenka niekalki razoŭ kazaŭ, što Rasija zmoža prymianiać jadziernuju zbroju, jakaja znachodzicca na terytoryi Biełarusi, pa jaho ŭzhadnieńni z Pucinym.
Apieratyŭna-taktyčny rakietny kompleks «Pałanez-M» maje dalnaść dziejańnia da 300 km.
Pačynajučy z 2016 hoda, raspracoŭkaj zajmałasia pradpryjemstva «Zavod dakładnaj elektramiechaniki» pa zakazie Dziaržaŭnaha vajskova-pramysłovaha kamiteta. Pieršyja bajavyja strelby z novaha kompleksu adbylisia ŭ listapadzie 2017 hoda.
Kompleks uklučaje bajavuju mašynu, mašynu kiravańnia, transpartna-zaradnuju mašynu i mašynu techničnaha absłuhoŭvańnia. Usie elemienty pabudavany na šasi vysokaj prachodnaści biełaruskich vytvorcaŭ (MZKT i MAZ).
Sistema «Pałanez-M» zdolnaja za ličanyja chviliny padrychtavacca da stralby i nanieści załp z vaśmi rakiet. Siarod asnoŭnych charaktarystyk — dalnaść strelby da 300 km, čas poŭnaha załpu — 1 chvilina, mahčymaść indyvidualnaha naviadzieńnia rakiet na 8 asobnych celaŭ z adnoj mašyny.
Asnaščeńnie «Pałanezaŭ» jadziernaj zbrojaj stała b vialikim krokam u kirunku jadziernaha statusa Biełarusi, pa anałohii z Paŭnočnaj Karejaj. Heta pryviało b da eskałacyi honki ŭzbrajeńniaŭ u rehijonie i vyklikała b adkaz krain NATA.
-
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ
-
Biełarus, uziaty ŭ pałon ukraincami, źviarnuŭsia da Łukašenki z prośbaj zakinuć za jaho słoŭca pierad Pucinym
-
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB13
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary