Dackaja tenisistka Karalin Vaźniacki abviaściła pra zaviaršeńnie karjery, paviedamlajecca na sajcie Australian Open.
U piatnicu Vaźniacki ŭ trecim kruzie pieršaha ŭ siezonie turniru sieryi «Vialikaha šlema» prajhrała Ons Žabier z Tunisa — 5:7, 6:3, 5:7. Dla 29-hadovaj datčanki heta byŭ apošni matč u karjery. U śniežni 2019 hoda tenisistka zajaŭlała, što turnir u Aŭstralii stanie dla jaje apošnim. Tady jana tłumačyła svoj sychod nie najlepšym stanam zdaroŭja, piša RBK
Na rachunku Vaźniacki 30 pieramoh u adzinočnym razradzie na turnirach Žanočaj tenisnaj asacyjacyi (WTA). Jana pieramahała na Australian Open u 2018-m, u 2009 i 2014 hadach vychodziła ŭ finał Adkrytaha čempijanatu ZŠA.
Heta pieršaja tenisistka z Danii, jakoj kali-niebudź ŭdavałasia ŭznačalić rejtynh WTA: Vaźniacki była na pieršym radku na praciahu 71 tydnia z 2010 pa 2011 h.
U listapadzie 2010 hoda Vaźniacki pryjazdžała ŭ Minsk, dzie razam ź Viktoryjaj Azaranka zhulała dabračynny matč, da jakoha padklučyŭsia Łukašenka.
Tady pamiž Biełaruśsiu i Jeŭropaj byŭ pryjazny pieryjad, jaki skončyŭsia paśla 19 śniežnia 2010 hoda.
Tady ŭsie hrošy, sabranyja ad prodažu kvitkoŭ, taksama jak i tyja, jakija tenisistki zarabili, vystaviŭšy na aŭkcyjon asabistyja rečy, byli pieradadzienyja dziciačamu ankałahičnamu centru ŭ Baraŭlanach. U hety ž ahulny dabračynny fond dadaŭsia i miesiačny zarobak prezidenta, pieraličany kiraŭnikom dziaržavy.
Kamientary