Hałoŭny zmahar sa zładziejami ŭ zakonie Cichinia akazaŭsia ŭciahnuty ŭ «cukrovuju spravu»
Były namieśnik načalnika HUBAZiK MUS Uładzimir Cichinia davaŭ fihurantam «cukrovaj spravy» parady pa kanśpiracyi. Takaja infarmacyja ahučanaja ŭ efiry BT-1.
Čytajcie taksama: KDB zatrymaŭ hałoŭnaha zmahara sa zładziejami ŭ zakonie Uładzimira Cichiniu. Syn: Nie za chabar
Jak adznačajecca ŭ siužecie, da karupcyjnaj schiemy ŭ cukrovaj halinie mieŭ dačynieńnie były namieśnik načalnika HUBAZiK MUS Uładzimir Cichinia: lehiendarny zmahar z bandytyzmam i karupcyjaj u 1990-ch i 2000-ch nibyta zhadziŭsia za ŭznaharodžańnie strachavać cukrovuju mafiju i jaje schiemu. U efiry była pakazanaja apieratyŭnaja zdymka.
Načalnik adździeła śledčaha ŭpraŭleńnia KDB Kanstancin Byčak rastłumačyŭ, što Uładzimir Cichinia paviedamlaŭ udzielnikam złačynnaj hrupy źviestki pra apieratyŭna-vyšukovyja mierapryjemstvy, davaŭ parady pa kanśpiracyi, začystki śladoŭ supraćpraŭnaj dziejnaści.
Pavodle źviestak telekanała, mienavita Uładzimira Cichiniu, jak samaha daśviedčanaha, zatrymali pieršym z usich udzielnikaŭ «cukrovaj mafii».
«Kamitetam dziaržaŭnaj biaśpieki raspačatyja kryminalnyja spravy pa č. 3 art. 430 (atrymańnie chabaru ŭ asabliva bujnym pamiery) u dačynieńni da słužbovych asob i pa č. 2 art. 431 (davańnie chabaru ŭ bujnym pamiery) KK — u dačynieńni da kamiersantaŭ, jakija davali chabar. Ciapier rasśledavańnie pa kryminalnaj spravie praciahvajecca. Pad hruzam nieabvieržnych dokazaŭ fihuranty dajuć pryznalnyja pakazańni i supracoŭničajuć sa śledstvam», — prainfarmavaŭ Kanstancin Byčak. Pakarańnie — da 15 hadoŭ pazbaŭleńnia voli.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos8
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4848
Kamientary