Jak vyhladaje znutry najbujniejšy rehijanalny handlova-zabaŭlalny centr FOTY
Najbujniejšy rehijanalny handlova-zabaŭlalny centr Triniti, što znachodzicca ŭ Hrodnie, adkryjecca dla naviedvalnikaŭ 29 lutaha. Techničnaje adkryćcio adbudziecca 12 lutaha. Belretail.by pabyvaŭ u Hrodnie i ŭbačyŭ usio na ŭłasnyja vočy.
U apošni dzień zimy zapuścicca pieršaja čarha Triniti płoščaj 32 tysiačy kv.m. Ahulnaja płošča ŭsiaho kompleksu składaje bolš za 84 tysiačy kv.m.
U budaŭnictva abjekta ŭkłali bolš za €100 młn. Kredytnyja srodki polskaha Bank Gospodarstwa Krajowego skłali €55 młn. Pa papiarednich prahnozach termin akupnaści Triniti — kala 10 hadoŭ.
Siarod brendaŭ, jakija adkryjuć svaje kramy ŭ pieršaj chvali: «Green», «Sportmastier», Conte, New Yorker, «5 elemient», «Buslik», «Hniaździečka Buslik», «Hraf žyrafa», Shagovita, «Bielita Viteks», Mini Max, Savage, karejskaja kaśmietyka Missha, kramy abutku Sister's Botti, KEDDO i Caprice, krama parfumieryi i kaśmietyki «Kravt» budzie pradstaŭlena ŭ farmacie «open space», NYX, Sneakerbar, «Zaaśfiera», «Sełci optyk», «Makiej», DNK, Proflario, sałony suviazi roznych brendaŭ i inš. Charčavańnie pakul što budzie pradstaŭlena KFC, KFC drive-thru, kafe Garage i kaviarniaj «Prosta kava».
Triniti pazicyjanujecca jak najbujniejšy rehijanalny handlova-zabaŭlalny kompleks, raźličany na naviedvalnikaŭ z usioj Hrodzienskaj vobłaści, na tranzitnyja patoki ź Biełarusi ŭ Polšču, a taksama na haściej ź Jeŭropy, jakija pryjazdžajuć u Hrodna pa biaźvizie.
Na zabaŭlalnuju častku adviedziena prykładna 30% płoščaŭ centra. Akramia fitnies-kłuba na jaho terytoryi budzie pracavać katok, kinateatr Silver Screen na 5 załaŭ, adna ź jakich budzie ŭ farmacie IMax, dziciačy centr, VR-park. Ahulnaja płošča fudkortu składzie 5,5 tysiačy kv.m.
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary