Śledčy kamitet šukaje paciarpiełych pa spravie ab prodažy kvitkoŭ na kancert Maksa Karža.
Sutnaść spravy takaja: 23-hadovy chłopiec z krasavika pa maj 2019 hoda raźmiaščaŭ u sacsietkach infarmacyju ab prodažu kvitkoŭ na kancert Karža. U niekatorych vypadkach paciarpiełyja pieraličvali hrošy na bankaŭskuju kartu, u inšych — addavali asabista.
«Paśla atrymańnia hrošaj padazravany abiacaŭ sustrecca i pieradać kvitki, ale ŭ dalejšym nieadnarazova pieranosiŭ sustrečy i pierastavaŭ vychodzić na suviaź. Małady čałaviek nie mieŭ mahčymaści i nie mieŭ namier vykonvać pryniatyja na siabie abaviazacielstvy, pakolki kvitkoŭ u jaho nie było. Paciarpiełymi pa kryminalnaj spravie pryznany šeść hramadzian, jakim naniesienaja škoda na ahulnuju sumu bolš za 400 rubloŭ», — paviedamlaje SK.
«Naša Niva» znajšła chłopca. Alaksandr Budaj rodam ź Bierazino. Siońnia jon kaža, što ŭsio «vypadkova tak atrymałasia».
Budaj pracuje budaŭnikom. Kaža, zarobak — kala 700-800 rubloŭ.
«Mnie byli patrebnyja hrošy. Na što? Nu… na siabie, možna skazać.
Ja chacieŭ takim čynam uziać časova hrošy. Nu kštałtu jak kredyt. Ničoha lepšaha nie prydumaŭ. Paśla b viarnuŭ — chavacca ja nie źbiraŭsia, — kaža Budaj. — Ale ja nie dumaŭ, što ŭsio tak zakrucicca».
Ciapier na Alaksandra zaviali kryminalnuju spravu za machlarstva, jamu pahražaje da 3 hadoŭ kałonii. Pakul što chłopiec na voli, pad padpiskaj. Spadziajecca na minimalnaje pakarańnie.
«Hrošy ja viarnuŭ, ale jašče nie ŭsie. Ja ŭ pracesie.
Spadziajusia, što daduć mnie štraf niejki. Bo nie chočacca, kab praz svajo hłupstva voś pram tak… Ja dumaju, heta ž była nie asabliva surjoznaja suma.
Kaniečnie, ja škaduju, što narabiŭ usio heta. Adzin raz astupiŭsia praz svajo hłupstva — paśla budzieš škadavać da kanca žyćcia»,— padsumoŭvaje Alaksandr.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała17
Kamientary