6-y raddom Minska pieratvorać u dadatkovuju infiekcyjnuju balnicy, ciažarnych buduć prymać u inšych radzilniach
Ciažarnym Minska, jakija pavinny byli naradžać u 6-m radzilnym domie, akušerska-hiniekałahičnuju dapamohu buduć akazvać u inšych radzilniach stalicy. Heta źviazana z tym, što miedustanova rychtujecca stać infiekcyjnaj u suviazi z epidemičnaj situacyjaj z COVID-19, piša Tut.by.
«Darahija budučyja baćki! Naša radzilnia i ŭvieś piersanał rychtujucca stać infiekcyjnymi ŭ suviazi z epidemičnaj situacyjaj, tamu žančyn, jakija adnosiacca da nas, buduć špitalizavać u inšyja radzilni dla akazańnia akušerska-hiniekałahičnaj dapamohi!» — takoje paviedamleńnie źjaviłasia ŭ Instagram-akaŭncie 6-j radzilni Minska.
Hałoŭny ŭrač 6-j haradskoj kliničnaj balnicy Minska Ihar Jurkievič paćvierdziŭ, što raddom, jaki ŭvachodzić u strukturu ich kliniki, sapraŭdy časova nie budzie akazvać akušerska-hiniekałahičnuju dapamohu.
— My pakul prypynili pryjom paradzich u adpaviednaści z zahadam Kamiteta pa achovie zdaroŭja Minharvykankama. Uličvajučy, što špital u cełym pracuje z pacyjentami, jakija abśledujecca pa COVID-19, to łahična što i radzilni treba być hatovaj da raźvićcia roznych situacyj.
Akazańnie płatnych pasłuh u radzilnym domie taksama prypyniena.
Paradzich buduć raźmiarkoŭvać pa radzilniach Minska takim čynam:
1-ja haradskaja kliničnaja balnica — žanočaja kansultacyja 1-j haradskoj balnicy, 1, 5, 6, 8, 18, 19, 23, 27, 28, 30, 40-ja haradskija palikliniki.
Haradski kliničny radzilny dom № 2 — 2, 4, 10, 11, 12, 15, 20, 26, 34, 35 haradskija palikliniki.
5-ja haradskaja kliničnaja balnica — 3, 7, 14, 16, 17, 21, 22, 25, 29, 32, 36, 37, 38, 39 haradskija palikliniki.
3-ja haradskaja kliničnaja balnica imia Kłumava — usie haradskija palikliniki ŭ adpaviednaści z zahadam Kamiteta pa achovie zdaroŭja Minharvykankama ad 01.04.2020 №173.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary