Karanavirus dabraŭsia da Hłybockaha rajona, značna pavialičyłasia kolkaść zaražanych u Aršanskim rajonie
Kolkaść tych, chto zaraziŭsia karanavirusam u Aršanskim rajonie vyrasła bolš čym u dva z pałovaj razy za dvoje sutak, zaŭvažajuć «Narodnyja naviny Viciebska».
Jak paviedamlaje sajt Aršanskaha zanalnaha centra hihijeny i epidemijałohii, pa stanie na 15 krasavika ŭ hetym rajonie zarehistravali ŭžo 40 vypadkaŭ COVID-19, tady jak 13 krasavika ich było tolki 15.
Bolšaść novych vypadkaŭ — heta vyjaŭlenyja kantakty 1 i 2-ha ŭzroŭniaŭ. Sa špitala paśla lačeńnia vypisali dvuch čałaviek, jakija pierachvareli COVID-19, adzin pacyjent pamior.
Pieršy chvory na karanavirus źjaviŭsia ŭ Hłybokim. Jak piša hazieta «Vieśnik Hłyboččny», heta student adnoj z VNU Viciebska, jakoha adpravili na radzimu, bo jon mieŭ kantakt druhoha ŭzroŭniu. Na samaizalacyi jon prabyŭ čatyry dni, paśla čaho ŭ maładoha čałavieka pačaŭsia suchi kašal i padniałasia tempieratura. Studenta tut ža zabrali ŭ asobny boks infiekcyjnaha adździaleńnia Hłybockaj centralnaj rajonnaj balnicy. U hety ž dzień u jaho ŭziali test na karanavirusnuju infiekcyju, jaki byŭ stanoŭčym.
Siońnia, pa infarmacyi taho ž vydańnia, vałanciory ź Minska pieradali Hłybockaj centralnaj rajonnaj balnicy dva kisłarodnyja kancentratary. Aparaty ŭstalavali ŭ pałatach intensiŭnaj terapii reanimacyi. Usiaho ž dla CRB užo paśpieli sabrać bolš za 21 000 rubloŭ dabračynnaj dapamohi.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary