U Siejm Polščy ŭniesieny prajekt źmianieńniaŭ u Kanstytucyju, jaki praduhledžvaje pavieličeńnie terminu prezidenckich paŭnamoctvaŭ da 7 hadoŭ. Inicyjataram prajekta źjaŭlajecca partyja «Zhoda» («Porozumienie»), pad im taksama padpisalisia deputaty ad praviačaj partyi «Prava i spraviadlivaść», paviedamlaje Radyjo Polšča.
Prapanavany prajekt składajecca z troch pałažeńniaŭ i praduhledžvaje źmianieńnie artykuła 127 Kanstytucyi Polščy. Zhodna z prapanovaj, prezident Respubliki Polšča pavinien abiracca na adzin siamihadovy termin biez prava pieravybrańnia.
U dakumiencie havorycca, što prapanovu ab siamihadovym prezidenckim terminie nieabchodna ŭžyć u adnosinach da dziejnaha kiraŭnika dziaržavy, heta značyć Andžeja Dudy, padoŭžyŭšy, takim čynam, jaho paŭnamoctvy jašče na 2 hady.
U abhruntavańni prajekta papravak zhadvajecca, siarod inšaha, nieabchodnaść umacavańnia stabilnaści paŭnamoctvaŭ prezidenta ŭ situacyi «biesprecedentnaj pahrozy pravavoj i hramadskaj biaśpieki hramadzian Polščy, źviazanaj z epidemijaj COVID-19».
Pad prajektam papravak, akramia deputataŭ «Zhody», padpisalisia kiraŭnik «Prava i spraviadlivaści» Jarasłaŭ Kačyński, premjer-ministr Matevuš Maraviecki i vice-premjer Polščy Pietr Hliński.
Pieršy tur prezidenckich vybaraŭ u Polščy pavinien prajści 10 maja.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary