«Rašeńnie pra pryznačeńnie vybaraŭ biezadkaznaje»: Partyja Kalakina taksama admaŭlajecca ad udziełu ŭ kampanii
Adpaviednaja zajava Biełaruskaj partyi levych «Spraviadlivy śviet» źmieščana ŭ jaje fejsbuku.
«Pałata pradstaŭnikoŭ pryniała ŭ piatnicu rašeńnie ab praviadzieńni 9 žniŭnia prezidenckich vybaraŭ. Biełaruskaja partyja levych «Spraviadlivy śviet» aceńvaje dadzienaje rašeńnie jak biezadkaznaje i złačynnaje. Prezidenckija vybary, kali heta nie prafanacyja, praduhledžvajuć u pieršuju čarhu šyrokamaštabnyja masavyja sacyjalnyja kantakty pamiž ludźmi. Praviadzieńnie ŭ najbližejšyja try miesiacy vybarčaj kampanii ŭ Biełarusi va ŭmovach imklivaha raspaŭsiudžvańnia karanavirusnaj infiekcyi stavić pad pahrozu zdaroŭje i žyćcio vielizarnaj kolkaści ludziej», — havorycca ŭ zajavie.
Partyja zaklikaje nie pravodzić vybary da zakančeńnia epidemii Covid-19, a taksama zajaŭlaje ab niemahčymaści svajho ŭdziełu ŭ abvieščanaj prezidenckaj kampanii.
Nahadajem, što ŭčora pra admovu ad udziełu ŭ prezidenckaj kampanii zajavili ŭdzielniki prajmieryz. Pra ŭdzieł u vybarach zajavili Andrej Dźmitryjeŭ, Aleh Hajdukievič, błohier Siarhiej Cichanoŭski, Siarhiej Čeračeń (BSDH), rehistravać inicyjatyŭnuju hrupu źbirajecca Mikoła Statkievič, adpaviednaja zajava taksama była źmieščana ŭ fejsbuku Valeryja Capkały.
Rehistracyja inicytyŭnych hrup budzie praciahvacca da piatnicy.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary