Hramadstva6060

Pamior Juryj Zisier

Paśla praciahłaj chvaroby ŭ Minsku 17 maja na 60-m hodzie žyćcia pamior Juryj Zisier, zasnavalnik partała Tut.by, chostynh-pravajdara hoster.by, pradprymalnik, hramadski dziejač, miecenat.

Juryj Zisier naradziŭsia 28 červienia 1960 hoda ŭ Lvovie, jaho baćka byŭ inžynieram, mama — muzykam. Vyšejšuju adukacyju atrymaŭ u Paŭnočna-Zachodnim politechničnym instytucie ŭ Sankt-Pieciarburhu pa śpiecyjalnaści «Elektronnyja vyličalnyja mašyny». U junactvie paśpieŭ papracavać paštaljonam. Pracavaŭ technikam i prahramistam u Lvovie.

U 80-ch paznajomiŭsia sa svajoj budučaj žonkaj kulturołaham Julijaj Čarniaŭskaj i pierajechaŭ da jaje ŭ Minsk.

Niekalki hadoŭ byŭ sistemnym prahramistam u NDI ankałohii i miedycynskaj radyjałohii ŭ Baraŭlanach, zajmaŭsia navukaj. U pačatku 90-ch pravioŭ dva hady ŭ Łanhiepasie Ciumienskaj vobłaści — pracavaŭ prahramistam u kaapieratyvie «Pachodnia».

U 1992 hodzie zasnavaŭ kampaniju «Nadziejnyja prahramy», jakaja zajmałasia raspracoŭkaj bankaŭskaha prahramnaha zabieśpiačeńnia.

U 2000 hodzie ź biaspłatnaj pošty startavaŭ partał Tut.by, jaki za niekalki hadoŭ staŭ samym papularnym biełaruskim anłajn-resursam. Juryj Zisier sam nieadnarazova publikavaŭsia na Tut.by. Zajmaŭ aktyŭnuju hramadzianskuju pazicyju.

Abaraniaŭ žurnalisckuju svabodu supracoŭnikaŭ Tut.by.

Stajaŭ la vytokaŭ šerahu biełaruskich i mižnarodnych internet-prajektaŭ. Byŭ aktyŭnym udzielnikam startap-ruchu, mientaram. Aktyŭna zajmaŭsia dabračynnaściu i miecenactvam.

Horača zachaplaŭsia kłasičnaj muzykaj, lubiŭ džaz. Vyrašyŭ atrymać druhuju vyšejšuju adukacyju — muzyčnuju. I ŭ 2013 hodzie pastupiŭ u Biełaruskuju dziaržaŭnuju akademiju muzyki na kłas arhana, jaki paśpiachova skončyŭ u 2015 hodzie. Adno z apošnich pačynańniaŭ Juryja Zisiera — adnaŭleńnie arhanaŭ Biełarusi. Pry jaho finansavaj padtrymcy byli adnoŭleny arhany ŭ Minsku, Niaśvižy, Pinsku.

Vykazvajem spačuvańni rodnym i blizkim.

U suviazi z epidemijałahičnaj situacyjaj raźvitańnie projdzie ŭ vuzkim kole.

Kamientary60

Ciapier čytajuć

Kaho bolš pałonnych: ukraincaŭ ci rasijan?

Kaho bolš pałonnych: ukraincaŭ ci rasijan?

Usie naviny →
Usie naviny

Niečakanaja zbroja suprać raku — supraćzapalenčyja preparaty2

U Minsku pachavali jak achviar nacyzmu 75 čałaviek, pareštki jakich znajšli kala byłoj dačy Canavy. Ale bolš padobna, što heta achviary savietaŭ17

400 bałaŭ na CT i CE atrymali adrazu dźvie dziaŭčyny ź Lidy

Sacyjalnyja sietki robiacca hałoŭnaj krynicaj navin, i heta vyhadna palitykam-papulistam1

400 bałaŭ na CT nabraŭ Maćviej z barysaŭskaj himnazii1

Padčas samitu G7 Trampa nie ŭdałosia pierakanać pastrožyć sankcyi suprać Rasii3

Na minułym tydni adbylisia ŭciečki piersanalnych danych ź niekalkich biełaruskich kampanij

U Mahilovie siem štrafaŭ za pieravyšeńnie chutkaści atrymała žančyna, jakaja navat nie chodzić2

Prync Reza Piechlevi vystupiŭ ź videazvarotam da naroda Irana, zaklikaŭ da paŭstańnia12

bolš čytanych navin
bolš łajkanych navin

Kaho bolš pałonnych: ukraincaŭ ci rasijan?

Kaho bolš pałonnych: ukraincaŭ ci rasijan?

Hałoŭnaje
Usie naviny →

Zaŭvaha:

 

 

 

 

Zakryć Paviedamić