Urad vyznačyŭ pieraliki dakumientaŭ i daviedak, termin dziejańnia jakich pradaŭžajecca na 3 miesiacy
Urad vyznačyŭ, termin dziejańnia jakich dakumientaŭ i daviedak pradaŭžajecca na 3 miesiacy.
Daviedki i dakumienty zastanucca dziejučymi jašče try miesiacy, kali termin ich dziejańnia zakančvajecca z 30 krasavika pa 31 lipienia 2020 hoda.
U pieralik adminpracedur pa zajavach hramadzian, termin dziejańnia vydadzienych daviedak abo inšych dakumientaŭ pa jakich pradaŭžajecca na try miesiacy, uvajšli 202 pracedury. Siarod ich vydača i abmien pašparta abo paśviedčańnia biežanca, vydača vadzicielskaha paśviedčańnia, miedycynskaj daviedki ab stanie zdaroŭja, daviedak ab znachodžańni na ŭliku majučych patrebu ŭ palapšeńni žyllovych umoŭ, ab zajmajemym žyłym pamiaškańni i składzie siamji, ab miescy žycharstva, a taksama naznačeńnie dapamohi pa dohladzie dziciaci-invalida va ŭzroście da 18 hadoŭ, vydača paśviedčańniaŭ invalidaŭ i inš.
U pieraliku adminpracedur dla jurydyčnych asob i indyvidualnych pradprymalnikaŭ — 167 pracedur.
Pradaŭžajecca taksama termin dziejańnia 11 dakumientaŭ, vydadzienych fizičnym i jurydyčnym asobam, indyvidualnym pradprymalnikam, i inšych rašeńniaŭ.
U toj ža čas, niahledziačy na pradaŭžeńnie terminu dziejańnia daviedak, inšych dakumientaŭ i rašeńniaŭ, hramadzianie, jurasoby i IP mohuć źviarnucca va ŭpaŭnavažanyja orhany za adminpracedurami i vydačaj dakumientaŭ u zvyčajnym paradku.
Pastanova ŭstupaje ŭ siłu z dnia jaje aficyjnaha apublikavańnia i raspaŭsiudžvaje svajo dziejańnie na adnosiny, što ŭźnikli z 30 krasavika.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary