Dačka mera Ńju-Jorka Biła de Błazia 25-hadovaja Čyara była zatrymanaja palicyjaj padčas pratestnych akcyj, jakija praciahvajucca ŭ ZŠA ŭžo amal tydzień paśla śmierci afraamierykanca Džordža Fłojda. Pra heta paviedamlaje telekanał NY1 sa spasyłkaj na krynicy, a taksama New York Post.
Dziaŭčynu zatrymali ŭ niadzielu ŭviečary na skryžavańni Bradvieja i 12-j vulicy. Palicyja zapatrabavała, kab natoŭp demanstrantaŭ ačyściŭ darohu, adnak tyja nie padparadkavalisia. U vyniku dačka de Błazia i jašče kala sotni čałaviek byli zatrymanyja.
Čyaru de Błazia abvinavacili ŭ parušeńni hramadskaha paradku paśla čaho adpuścili.
Biesparadki ŭ Ńju-Jorku pačalisia ad stadyjona «Barkłajs-centr» u Bruklinie i pastupova achapili inšyja rajony. U Bruklinie prajšli sutyknieńni pratestocaŭ i palicyi. Demanstranty spalili niekalki mašyn palicyi, rabavali kramy. Z-za akcyj ułady na niekatory čas zakryvali Manchetenski most.
Kamientary