Kandydat u prezidenty Viktar Babaryka 3 červienia pačaŭ pajezdki pa rehijonach krainy. Najpierš jon pryjechaŭ u Homiel, dzie sustreŭsia z prychilnikami na parkinhu.
U Babaryki spytali, ci nie baicca jon nastupstvaŭ svajho ŭdziełu ŭ prezidenckich vybarach. «Nastupstvaŭ jakich? Kiravać krainaj z takimi prablemami? Bajusia, ščyra, bajusia. Bo prablemy pracentaŭ na 80 viedaju, a na 20% — nie», — adkazaŭ jon.
Dziela čaho Babaryku, zabiaśpiečanamu čałaviek, udzieł u hetaj kampanii. «U savieckim filmie «Biełaje sonca pustyni» hieroj Vieraščahin kazaŭ: «Za dziaržavu kryŭdna». Voś i mnie kryŭdna za Biełaruś. Za 26 hadoŭ my tak i nie zmahli pabudavać ekanomiku, jakaja b zabiaśpiečvała našu niezaležnaść.
U SSSR Biełaruś mieła najlepšuju ekanomiku, my stracili heta ŭsio. Ciapier my tolki chodzim i prosim: dajcie nam hrošaj, dajcie tanny haz. A potym usie hetyja razmovy, što nas chočuć prahłynuć. Dy nichto nam nie žadaje zła», — skazaŭ kandydat.
«Čamuści za 26 hadoŭ my akružanyja tolki vorahami, u nas niama nivodnaha siabra. U ekanomicy było stračana ŭsio. Aproč IT-haliny, ničoha ŭ dziaržaŭnaj ekanomicy stvorana nie było», — ličyć Babaryka.
«Druhaja pryčyna — heta pavodziny ŭładaŭ padčas pandemii. U mianie niama tłumačeńnia, čamu my tak hrebujem žyćciami ludziej. Voś heta fraza «narodziec». My nie «narodziec», my — narod.
Ja nie «narodziec», ja pradstaŭnik słaŭnaj kahorty biełarusaŭ. Ja liču, što tyja kampietencyi, jakija ŭ mianie jość, dazvolać pasprabavać źmianić ekanomiku», — skazaŭ prysutnym Viktar Babaryka.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary