U Viciebsku zatrymali piedafiła, jaki zdymaŭ dziciačaje porna, zavablivajučy dziaŭčat praz sacsietki
Dvaccacihadovaha piedafiła, jaki amal hod zdymaŭ dziciačaje porna z udziełam dziaŭčynak z roznych kutkoŭ Biełarusi, zatrymali ŭ Viciebsku, piša news.vitebsk.cc.
Pavodle infarmacyi adździeła pa supraćdziejańni handlu ludźmi Kastryčnickaha RAUS Viciebska, małady čałaviek, raniej sudzimy za abarot narkotykaŭ, z dapamohaj hruminhu zavablivaŭ u svaje sietki niepaŭnaletnich dziaŭčat, ździajśniaŭ ź imi dziejańni seksualnaha charaktaru i zdymaŭ dziciačaje porna.
Tak, ad červienia minułaha hoda da sioletniaha krasavika chłopiec rehularna sustrakaŭsia i zajmaŭsia seksam ź piatnaccacihadovaj viciablankaj. U hety ž čas jon u sacsietkach aktyŭna pierapisvaŭsia ź junymi dziaŭčatami z roznych rehijonaŭ krainy, začaroŭvaŭ ich i nienaviaźliva prapanoŭvaŭ seks.
Milicyja ličyć, što tak zvanymi hruminhavymi dziejańniami dvaccacihadovy viciablanin schilaŭ dziaciej da intymnaj blizkaści.
Paśla ekśpiertyzy kanfiskavanych u chłopca smartfona i kampjutara było vyjaŭlena, što jon ździajśniaŭ raspusnyja dziejańni ŭ dačynieńni da małaletnich, a akramia taho vyrablaŭ i pašyraŭ pornahrafičnyja materyjały z udziełam niepaŭnaletnich dziaŭčat.
U vyniku Śledčy kamitet raspačaŭ u dačynieńni da maładoha žychara Viciebska kryminalnyja spravy za złačynstvy suprać pałavoj niedatykalnaści abo pałavoj svabody niepaŭnaletnich i za zvarot dziciačaj parnahrafii, paviedamlaje pres-słužba MUS.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary