Samaarhanizacyja. Akcyi pratestu znoŭ vybuchnuli ŭ mnohich haradach FOTA, VIDEA
Siońnia, 14 lipienia, Centrvybarkam rehistravaŭ kandydataŭ u prezidenty Biełarusi. Pa vynikach hetaj pracedury nie byŭ zarehistravany Viktar Babaryka. Takim čynam jon, jak i Valeryj Capkała, vybyŭ ź pieradvybarnaj honki. Niahledziačy na toje što štaby patencyjnych kandydataŭ ustrymalisia ad zaklikaŭ da pratestaŭ, niekatoryja telehram-kanały paklikali biełarusaŭ uviečary na vulicu.
Ludzi vyjšli na vulicy ŭ dziasiatku haradoŭ krainy. U Minsku pratestavali ŭ dziasiatku rajonaŭ i vulic.
Karespandenty i aŭtary «Našaj Nivy» byli śviedkami akcyj pratestu ŭ centry kala HUMa, u rajonie cyrka i płoščy Pieramohi, na Niamizie, vulicach Pieršamajskaj i Uljanaŭskaj, u Kamiennaj Horcy, Novaj Baravoj, na Hrušaŭcy, na Śviardłova i Ramanaŭskaj Słabadzie.
U centry ŭsio było chaatyčna. Ludzi źbiralisia, na ich nalatali AMAPaŭcy, ludzi raźbiahalisia. Jeździła kałona ravarystaŭ. Sihnalili mašyny.
Voś videa ź Niamihi ŭ Minsku:
Darečy, tam siońnia taksama byli palityčnyja zatrymańni — pieršy raz u historyi hetaha rajona.
A heta videa ź Pieršamajskaj:
A heta rabiłasia na praśpiekcie:
Pratest i razhon na płoščy Pieramohi:
Kolkaść udzielnikaŭ vahałasia ad dziasiatkaŭ da socień, pieššu, na rovarach i ŭ aŭtamabilach.
Pratesty byli vyklučna mirnyja, ale siłaviki ŭsio adno nie davali ludziam źbiracca. Pavodle źviestak pravaabaroncaŭ z centra «Viasna», zatrymali pa mienšaj miery 272 čałavieka, hetaja ličba niapoŭnaja. (Śpis tut.)
Kab spynić sihnały aŭtamabilaŭ, praśpiekt Niezaležnaści byŭ pierakryty aŭtazakami.
Viadoma pra akcyi pratestu ŭ Homieli, Mahilovie, Breście, Hrodnie, Maładziečnie, Pružanach, Połacku, ale, zdajecca, usiudy, aprača Bresta, kolkaść siłavikoŭ pieravyšała kolkaść pratestoŭcaŭ.
U Breście pratest pieramiaściŭsia z praśpiekta Mašerava na Nabiarežnuju paśla taho, jak praśpiekt — centralnaja vulica horada — byŭ pierakryty dla aŭtatranspartu.
Aŭtaamatary zabłakavali Nabiarežnuju i sihnalili pad apładysmienty ludziej na vulicach.
A heta videa, jak niekalki socień ludziej iduć i sihnalać na vulicy Hohala. Jany skandujuć «Svabodu!» i «Vypuskaj!»:
Nijakaha centra, jaki b arhanizoŭvaŭ pratestoŭcaŭ, nie adčuvałasia, usio było na samaarhanizacyi.
Apytanka
Chronika padziej
23:06
23:04
Žurnalistaŭ «Radyjo Svaboda», zatrymanych raniej, adpuścili.
23:00
Začystka ciapier cieraz darohu, la KFC.
Takija ž brutalnyja zatrymańni. Dziasiatki ludziej sočać za hetym na mastu. «Hańba!» — kryčać AMAPu.
22:51 Bojka la «Burhier Kinha» z udziełam cicharoŭ i amapaŭcaŭ.
Niekalkich ludziej unosiać pad kryki ludziej «Hańba!»
U bus brutalna hruziać ludziej, ich bili dubinkami.
22:39
22:35 Pavodle infarmacyi pravaabaroncaŭ, na hety momant zatrymana bolš za 70 čałaviek.
22:26 U Breście bajkiery błakujuć aŭtazak.
22:25
22:19 Na praśpiekcie stała ciomna — vyklučyli śviatło. Nie pracuje stancyja mietro «Niamiha».
22:17 Amapaŭcy nie dajuć ludziam stajać la mietro «Niamiha», padychodziać i pytajucca: «Vy kahości čakajecie? Tak? Čakajcie ŭ inšym miescy». I prahaniajuć.
22:15
22:13 U Minsku zatrymany žurnalist BBC.
22:13
22:11 Na Kastryčnickaj płoščy katajucca ravarysty z «Pieriemien» u płejery, časam zryvajuć apładysmienty. Unutranyja vojski adciskajuć ludziej ad Niamihi da Pałaca sportu.
22:08
«Sychodźcie, chutčej, kali łaska!» — padhaniaje AMAP moładź i pryciskaje ŭ bok cyrka na praśpiekcie.
22:06
22:03 U rajonie Niamihi zaraz sotni ludziej. Skandzirujuć «Sychodź!». Zaraz tam stała ciomna, vuličnaha aśviatleńnia niama.
22:01
Sałdaty sahnali ludziej ź placoŭki la Kafiedralnaha sabora.
21:57 Z šerych aŭtazakaŭ vyjšli sałdaty ŭnutranych vojskaŭ. Ludzi im kryčać: «Vy ž maładyja chłopcy! Što vy robicie?!»
21:52 Na Niamizie prachodziać bojki z amapaŭcami. Ludzi kryčać «My adzin narod!». Siarod udzielnikaŭ akcyi pieravažna moładź.
21:49
21:45 Na Kastryčnickaj płoščy sabralisia ravarysty. Za viełasipiedystami pa Kastryčnickaj pajechali aŭtazaki. Jany z krykami «Žyvie Biełaruś!» źjechali.
21:42 Na nabiarežnaj Śvisłačy ludziej pamienieła, ale «dahaniałki» z AMAPam praciahvajucca.
21:25
21:22
21:20
21:19
21:18 Zatrymali žurnalistaŭ «Biełsata», jakija viali žyvy efir.
21:16 Chłopcu ŭ aŭtazaku stała drenna. Jaho vyvieli i addali chutkaj.
21:13
21:10
Zatrymańnie pa-biełarusku: chłopca ŭziali pad ruki, ale bus na druhim baku darohi.
Pryjšłosia čakać zialonaje śviatło, kab zavieści ŭ busik.
21:07
21:05 U Minsku zatrymali žurnalista Arcioma Lavu.
21:01 Sotni čałaviek kala RSDRP skandzirujuć «Žyvie Biełaruś!». Aŭtazak raźviarnuŭsia i pajechaŭ da ich.
21:00
20:57
20:51
La domika RSDRP vialikaja kolkaść ludziej. Jak tolki vybiahaje dziasiatak amapaŭcaŭ, usie biahuć urassypnuju i nikoha nie zastajecca. Kryčać: «Hańba».
Kožnaja stajanka na śvietłafory na Niamizie — kancert. Niama siekundy, kab niechta nie sihnaliŭ, vialikaja cyrkulacyja ludziej, ale ŭsie ŭsio adno chłopajuć u adkaz na sihnały.
20:48
20:45
Alesia Pileckaha z «Radyjo Svabody» zatrymali padčas strymu.
20:42
20:41
20:37 Vidavočcy raskazvajuć pra žorstkija zatrymańni kala cyrka. Z busa vyskačyli supracoŭniki, ludzi stali raźbiahacca, maładoha čałavieka ŭdaryli ŭ tvar i biez prytomnaści pahruzili ŭ bus. Amapaŭcy biaruć mužčyn, jakija prosta siadzieli na łaŭcy.
20:33
Zapichali v kakuju-to kamieru supieravtozaka. 3 čiełovieka. Niet miesta dažie stojať pic.twitter.com/72SDmL4I7T
20:32 U Biełarusi fiksujucca prablemy z dostupam da telehrama.
20:29 Zakryli stancyju mietro «Kastryčnickaja» i «Płošča Pieramohi».
20:27 Praz darohu ad CUMa prosta vybiahaje AMAP, hladziać naleva-naprava i chapajuć advolnych ludziej.
20:25 Na Kazłova — Mašerava — prosta kakafonija. Mašyny ni na siekundu nie spyniajucca sihnalić.
20:23 Razam z AMAPam u zatrymańniach biaruć udzieł unutranyja vojski. Ich aŭtazaki šeraha koleru.
20:20 Kala žoŭtaha aŭtobusa — mužčyna, jaki ŭ milicyi prasiŭ dapamohi i vybieh na darohu.
20:17 Mužčynu, jakomu stała drenna, cichary niasuć u chutkuju na nasiłkach.
20:16
20:15 Zatrymańnie žurnalistki ŭ Homieli.
20:12 Niekatoryja aŭtazaki nastolki pierapoŭnienyja, što dźviery ŭ ich nie začyniajucca.
20:10 Mužčyna spyniŭ milicejskaje aŭto, paprasiŭ u chutkuju zabrać čałavieka, jaki lažaŭ na travie, ale jaho schapili ŭ aŭtazak.
20:07
20:04 Viełasipiedysty ŭklučyli pieśniu «Pieriemien» Coja.
20:03
20:02 Kałona amapaŭcaŭ vysadziłasia ŭ parku Kupały. Vyhladaje, što chapajuć vypadkovych ludziej z natoŭpu, litaralna vydzirajuć.
20:01 Voś jak zatrymali žurnalista «Jeŭraradyjo».
19:59
19:55
19:53
U Kamiennaj horcy kala mietro ludzi stanoviacca ŭ čarhu, pakul mała, ale stychijna. Niechta ź dziećmi ŭ kalaskach, niechta na rovary.
19:45
19:44 Žurnalistaŭ «Jeŭraradyjo» zatrymali prosta padčas strymu.
19:40
19:38 Siońnia ludzi sabralisia taksama ŭ Homieli i Mahilovie.
19:35 Tak u Minsku hudzieŭ u znak pratestu praśpiekt Niezaležnaści. Paśla hetaha DAI pierakryła praśpiekt ad Babrujskaj da Kazłova.
19:33 Ludzi taksama źbirajucca ŭ inšych haradach krainy. Voś fota z Maładziečna.
19:31 Praśpiekt Niezaležnaści pierakryli ad Babrujskaj da Kazłova.
19:30
19:29 Daišniki pierakryvajuć praśpiekt Niezaležnaści.
19:27 Brest. Mašyny sihnalać, ludzi plaskajuć u dałoni.
19:25 Na praśpiekcie Dziaržynskaha ludzi vystrojvajucca ŭ čarhu.
19:20 U centry horada možna ŭbačyć aŭtazaki i siłavikoŭ.
19:15 Na praśpiekcie Niezaležnaści źbirajucca ludzi, mašyny, što jeduć pa praśpiekcie, huduć.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»37
Kamientary