Čempijonka śvietu Nadzieja Astapčuk pra ŭčarašnija padziei: Nahadzili ŭ dušu
Čempijonka śvietu ŭ šturchańni jadra Nadzieja Astapčuk u intervju Tribuna.com prakamientavała nierehistracyju kandydatami ŭ prezidenty Viktara Babaryki i Valeryja Capkały.
«Mianie da hetaha času nie adpuskaje adčuvańnie, jak u narodzie kažuć: nahadzili ŭ dušu. U pryncypie, heta było davoli pradkazalna. Kahości pasadzić, kahości pastupova nie zarehistravać — heta ŭžo było čakana. Ciahnuli da apošniaha, kab vykinuć alternatyŭnych kandydataŭ».
— Ciapier pojdziecie na vybary?
— Na hety momant nie mahu adkazać na hetaje pytańnie sa 100-pracentnaj upeŭnienaściu. Usio budzie zaležać ad taho, jak budzie dalej raźvivacca situacyja. Kali, dapuścim, abjadnajucca vakoł Cichanoŭskaj toj ža samaj. Chacia b dapamohuć joj, bo ŭ jaje ŭsie siadziać. Uvieś štab, jaki ź joj pracavaŭ, pierasadžali. A kali kožny budzie sam za siabie, to sensu ŭ hetych vybarach jak takoha niama. Dla čaho heta ŭsio i ładziłasia? Našy hałasy tam nikomu nie patrebnyja. Mienš treba budzie ŭkidvać.
— Heta značyć, z pakinutych kandydataŭ vam bližej za ŭsio Cichanoŭskaja?
— Tak, jana zastałasia adna z troch za tych, za kaho ja podpis pakidała.
— Kali Łukašenka pieramoža, nie spravakuje ci heta ludziej da emihracyi?
— Dy vy pahladzicie tyja akcyi salidarnaści, jakija prachodziać ciapier za miažoj. Pahladzicie, kolki tam ludziej, kolki tam maładych ludziej. Heta ŭsio našy, jakija ŭžo źjechali. Heta značyć toj płast nasielnictva, jaki pavinien budavać Biełaruś budučyni — jaho ŭžo tut niama. Heta razumnyja, adukavanyja, intelektualnyja ludzi, jakija źjechali. Kolki jašče źjedzie… jość taki vyraz: chto budzie apošnim źjazdžać ź Biełarusi, vyklučycie śviatło ŭ aeraporcie. Da hetaha ŭsio i idzie.
-
U homielskim restaranie zatrymali ŭdzielnikaŭ «Hukańnia viasny». Im dajuć sutki i bujnyja štrafy
-
Biełaruska nabyła dziciaci džynsy Mark Formelle — a ŭ kišeni znajšła zahadkavuju zapisku z kitajskimi ijerohlifami
-
Łatvijskija deputaty akazalisia ŭ efiry biełaruskaha dziaržtelekanała, choć nie davali jamu intervju. Jak tak vyjšła
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»26
Kamientary