U Čarnahoryi z-za rostu zachvorvańnia na karanavirus COVID-19 abjaŭlena epidemija na ŭsioj terytoryi krainy. Abmiežavalnyja miery ŭstupajuć u siłu z 22 lipienia, paviedamlaje «RBK-Ukraina».
Takoje rašeńnie pryniaŭ Nacyjanalny kaardynacyjny saviet pa infiekcyjnych zachvorvańniach pry ŭradzie Čarnahoryi, paviedamlaje ŭ Twitter Kabmin krainy.
Z-za epidemii ŭsim hramadzianam, starejšym za siem hadoŭ,- treba nasić maski na adkrytym pavietry i ŭ pamiaškańniach, masavyja schody abmiežavanyja 40 ludźmi na pavietry i 20 — u pamiaškańniach.
Akramia taho, da 6 žniŭnia padoŭžana zabarona na pracu dyskatek i načnych kłubaŭ, praviadzieńnie viasiellaŭ, dzion naradžeńnia i inšych uračystaściaŭ. Da 30 žniŭnia zabaronienaja žyvaja muzyka ŭ zabaŭlalnych ustanovach. U roznych rehijonach abmiežavany čas pracy kafe i restaranaŭ.
Zhodna sa źviestkami Instytuta hramadskaha zdaroŭja ŭ Padhorycy, za minułyja sutki pratestavali 612 čałaviek, ź ich 98 atrymali stanoŭčy test na karanavirus. Pamierłych za apošnija 24 hadziny nie było. Usiaho z momantu adnaŭleńnia epidemii ŭ červieni pamierli 26 čałaviek, u krainie 1920 aktyŭnych chvorych.
Čarnahoryja — adna ź niamnohich krain, jakija prymajuć biełaruskich turystaŭ. Na ciapierašni momant dla adpačynku ŭ Čarnahoryi nie spatrebicca ni viza, ni najaŭnaść projdzienaha PCR-testu.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary