Jančeŭski: Łukašenka vielmi ścipły. Heta jon zrabiŭ PVT paśpiachovym
Dyrektar Parka vysokich technałohij Usievaład Jančeŭski ŭ efiry ANT na pytańnie pra rolu byłoha kiraŭnika PVT Valeryja Capkały adkazaŭ, što Park staŭ pryvabnym dla inviestaraŭ mienavita praz pryniatyja Łukašenkam rašeńni.
«Čamu jon staŭ pryvabnym? Tamu što byli pryniatyja rašeńni prezidentam. I nie tolki dekret. Bo i kampanii, i inviestary, usie, chto chočuć pačać novuju spravu, jany hladziać na sukupnaść abstavin, na atmaśfieru. Jany hladziać na ahulnaje staŭleńnie, na inšyja rašeńni, na adnosiny kiraŭnika dziaržavy. Jany hladziać nie tolki na miortvuju litaru, jakaja zapisanaja ŭ dekrecie, a na žyvuju spravu, na toje, jak adbyvajecca ŭ «žyćci». Jany prysłuchoŭvajucca da słoŭ, sprabujuć zrazumieć i adčuć hetuju atmaśfieru», — adznačyŭ kiraŭnik PVT.
«Prezident, na žal, jon nasamreč, asabliva ŭ hetaj śfiery, vielmi ścipły. Jon ni razu nie raspavioŭ ab vialikaj rabocie, i nie tolki pra dekret, ale i pra inšyja rašeńni i daručeńni, jakija im prymalisia dla taho, kab stvaryć vakoł Parka vydatnuju, spakojnuju atmaśfieru. Naturalna, heta jaho vola. Chto padpisaŭ hetyja dekrety, i pieršy, i druhi? Kiraŭnik dziaržavy! Luby narmalny čałaviek pahladzić na toje, čyje heta rašeńni byli, čyj podpis i vola. Ja voś dyrektar, što ja b zrabiŭ, kali b nie było rašeńniaŭ prezidenta?» — padkreśliŭ Usievaład Jančeŭski.
Ciapier čytajuć
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary