Navalny: «Zusim niadaŭna ja nie paznavaŭ ludziej i nie razumieŭ, jak razmaŭlać»
Rasijski apazicyjanier Alaksiej Navalny napisaŭ u instahramie, jak adnaŭlajecca paśla atručvańnia.
«Ciapier ja chłopiec, u jakoha dryžać nohi, kali jon idzie pa leśvicy, ale zatoje jon dumaje: «O, Heta ž leśvica! Pa joj padymajucca. Mabyć, treba pašukać lift». A raniej by prosta tupa stajaŭ i hladzieŭ», — piša jon.
Navalny taksama paviedamiŭ, što «zusim niadaŭna nie paznavaŭ ludziej i nie razumieŭ, jak razmaŭlać».
«Kožnuju ranicu da mianie prychodziŭ doktar i kazaŭ: Alaksiej, ja prynios došku, davajcie prydumajem, jakoje na joj napisać słova. Heta pryvodziła mianie ŭ adčaj, tamu što choć ja ŭžo i razumieŭ u cełym, što choča doktar, ale nie razumieŭ, dzie brać słovy. U jakim miescy hałavy jany ŭźnikajuć? Dzie znajści słova i jak zrabić tak, kab jano niešta aznačała? Usio heta było rašuča niezrazumieła. Zrešty, jak vykazać svoj adčaj, ja taksama nie viedaŭ i tamu prosta maŭčaŭ. I heta ja jašče apisvaju poźni etap, jaki sam pamiataju», — piša jon.
Navalny ŭdziačny daktaram niamieckaj kliniki «Šaryte»: «Jany pieratvaryli mianie z «technična žyvoha čałavieka» ŭ taho, chto maje ŭsie šancy znoŭ stać vyšejšaj formaj isnavańnia sučasnaha hramadstva — čałaviekam, jaki ŭmieje chutka hartać Instagram i biez razvažańniaŭ razumieje, dzie stavić łajki».
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m108
Kamientary