Навальны: «Зусім нядаўна я не пазнаваў людзей і не разумеў, як размаўляць»
Расійскі апазіцыянер Аляксей Навальны напісаў у інстаграме, як аднаўляецца пасля атручвання.
«Цяпер я хлопец, у якога дрыжаць ногі, калі ён ідзе па лесвіцы, але затое ён думае: «О, Гэта ж лесвіца! Па ёй падымаюцца. Мабыць, трэба пашукаць ліфт». А раней бы проста тупа стаяў і глядзеў», — піша ён.
Навальны таксама паведаміў, што «зусім нядаўна не пазнаваў людзей і не разумеў, як размаўляць».
«Кожную раніцу да мяне прыходзіў доктар і казаў: Аляксей, я прынёс дошку, давайце прыдумаем, якое на ёй напісаць слова. Гэта прыводзіла мяне ў адчай, таму што хоць я ўжо і разумеў у цэлым, што хоча доктар, але не разумеў, дзе браць словы. У якім месцы галавы яны ўзнікаюць? Дзе знайсці слова і як зрабіць так, каб яно нешта азначала? Усё гэта было рашуча незразумела. Зрэшты, як выказаць свой адчай, я таксама не ведаў і таму проста маўчаў. І гэта я яшчэ апісваю позні этап, які сам памятаю», — піша ён.
Навальны ўдзячны дактарам нямецкай клінікі «Шарытэ»: «Яны ператварылі мяне з «тэхнічна жывога чалавека» ў таго, хто мае ўсе шанцы зноў стаць вышэйшай формай існавання сучаснага грамадства — чалавекам, які ўмее хутка гартаць Instagram і без разважанняў разумее, дзе ставіць лайкі».
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары