Z prezidenckaha sportkłuba syšła pamočnica Dźmitryja Łukašenki. Jana asudžaje hvałt paśla vybaraŭ
Ksienija Vałachanovič (Hołub) da niadaŭniaha času była pamočnicaj Dźmitryja Łukašenki, kiraŭnika Prezidenckaha spartyŭnaha kłuba. Jak stała viadoma TUT.BY, jana bolš nie pracuje na hetaj pasadzie.
Što Ksienija — bolš nie pamočnik Dźmitryja Łukašenki, paćvierdzili ŭ prezidenckim sportkłubie.
— Jana tut nie pracuje, — skazali praz stacyjanarny telefon sportkłuba i paraili źviazvacca z užo byłym pamočnikam pa jaje asabistym numary.
Sama Ksienija havaryć na hetuju temu admaŭlajecca. «Ja nie daju kamientaroŭ z hetaj nahody», — koratka adkazała jana.
Kali jana syšła sa svajoj pasady, na jakoj prapracavała nie adzin hod, a taksama pa jakoj pryčynie — nieviadoma.
Miarkujučy pa jaje adkrytaj staroncy ŭ Facebook, paśla 9 žniŭnia Ksienija aktyŭna asudžaje hvałt u krainie paśla vybaraŭ. Viadoma, što na adnoj ź mirnych pratesnych akcyj byŭ žorstka zatrymany jaje 66-hadovy baćka. Ksienija — viadomaja dziciačaja paetka — na svajoj staroncy paśla vybaraŭ apublikavała taksama niekalki vieršaŭ na temu biahučaj situacyi ŭ Biełarusi.
Kamientary