Tak pastanaviŭ u piatnicu kanhres Mižnarodnaj fiederacyi chakieju.
Na pasiadžeńni kanhresu Mižnarodnaj fiederacyi chakieju, jaki prachodzić u šviejcarskim Biernie, było pryniataje rašeńnie, što čempijanat śvietu 2014 hodu projdzie ŭ Minsku.
U chodzie hałasavańnia kandydaturu Biełarusi, jakuju prezientavali staršynia fiederacyi chakieja Ŭładzimir Navumaŭ i hałoŭny trenier zbornaj Hlen Chenłan, padtrymali 75 delehataŭ.
Jak i mierkavałasia, našym hałoŭnym supiernikam była Vienhryja, za hetuju krainu addali svaje hałasy 24 delehataŭ. Łatvija i Ŭkraina nie ŭsprymalisia ŭsurjoz, za ich prahałasavali 3 i 3 čałavieki adpaviedna.
Praź piać hadoŭ najlepšych hulcoŭ śvietu Biełaruś prymie na «Minsk‑Arenie», što dabudoŭvajuć u Viaśniancy, a taksama ŭ novym pałacy, jaki pačali ŭzvodziać u Čyžoŭcy.
«Hetaje pieršynstva budzie nie tolki stymulavać ekanomiku, ale padymie biełaruski chakiej na zusim inšy ŭzrovień. Našy balelščyki chočuć bačyć svaich kumiraŭ ułasnymi vačyma», — skazaŭ U.Navumaŭ.
«Heta najlepšy dzień u historyi biełaruskaha chakieju. Mahčyma, najlepšy dzień u biełaruskim sporcie ŭvohule», — skazaŭ U.Hančaroŭ.
Biudžet čempijanatu składzie 11,4 miljony dalaraŭ, a Biełaruś stanie 18‑aj krainaj, jakaja prymie suśvietnaje pieršynstva pa chakiei.
Biełaruś treci raz pretendavała na praviadzieńnie suśvietnaha pieršynstva, adnak pieršyja razy sastupała Hiermanii i Šviecyi. Pašancavała tolki zaraz.
Eks‑ministr Navumaŭ paabiacaŭ, što ŭ dni čempijanatu śvietu Biełaruś abvieścić biaźvizavy režym dla zamiežnikaŭ, jakija zachočuć trapić na pieršynstva.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary