Miedyki zaklikajuć budučych baćkoŭ prajści abśledavańnie, pierš čym zavieści dziaciej
Zahadčyca adździaleńnia płanavańnia siamji i dapamožnych repraduktyŭnych technałohij Respublikanskaha navukova‑praktyčnaha centra «Maci i dzicia» Ała Kamluk na pres‑kanfierencyi ŭ Minsku 12 traŭnia zaklikała ŭsich budučych baćkoŭ prajści abśledavańnie, pierš čym zavieści dziaciej.
Dla hetaha dosyć źviarnucca ŭ palikliniku pa miescy žycharstva abo ŭ słužbu płanavańnia siamji. Tam možna atrymać kansultacyju pa padrychtoŭcy da ciažarnaści i vybary mietadu kantracepcyi kab paźbiehnuć niepažadanaj ciažarnaści.
U žanočych kansultacyjach, paliklinikach dastupna praviadzieńnie abśledavańnia, lačeńnia i padrychtoŭki arhanizmu žančyny za try‑šeść miesiacaŭ da płanavanaj ciažarnaści.
A.Kamluk zaznačyła, što praduchilić usie niehatyŭnyja faktary niemahčyma. U śpisie miedycynskich supraćpakazańniaŭ dla naradžeńnia dziciaci 140 pazicyj.
Siudy ŭklučany niekatoryja zachvorvańni aporna‑ruchalnaha aparatu, šerah psichapatyčnych stanaŭ i inš. Pavodle słoŭ śpiecyjalista, u Biełarusi žančyny, jakija majuć supraćpakazańni da ciažarnaści, časta admaŭlajucca jaje pieraryvać: žadańnie mieć dzicia prymušaje ich ryzykavać ułasnym zdaroŭjem, a časam žyćciom.
Zahadčyca adździaleńnia RNPC «Maci i dzicia» padkreśliła, što miedyki nie mohuć nastojvać na pierapynieńni ciažarnaści pa miedycynskich pakazańniach.
Kansilium lekaraŭ u vypadku pahrozy žyćciu i zdaroŭju žančyny tolki rekamienduje pierapynić ciažarnaść.
Rašeńnie prymaje sama žančyna. Kali jana admaŭlajecca pieraryvać ciažarnaść, miedyki dapamahajuć joj u siłu svaich mahčymaściaŭ.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary