Hałoŭny sanitarny doktar raspaviała pra niuansy abaviazkovaha masačnaha režymu ŭ Minsku
Hałoŭny sanitarny doktar Minska Śviatłana Jarmak raspaviała Minsk-navinam padrabiaznaści rašeńnia Minharvykankama ab uviadzieńni ŭ stalicy abaviazkovaha masačnaha režymu.
«Siońnia rašeńniem Minharvykankama pryniaty kompleksny płan mierapryjemstvaŭ pa prafiłaktycy hrypu i karanavirusnaj infiekcyi. U im prapisana, što kiraŭniki arhanizacyj usich form ułasnaści abaviazany nastojliva rekamiendavać nasielnictvu pry naviedvańni svaich abjektaŭ vykarystoŭvać srodki indyvidualnaj abarony, u pryvatnaści maski», — skazała S. Jarmak.
Kiraŭniki pavinny pravieści infarmacyjnuju pracu sa svaimi supracoŭnikami i naviedvalnikami. Abjavy buduć vyviešanyja ŭ hramadskim transparcie, abjektach handlu i hramadskaha charčavańnia, paštovych adździaleńniach i inšych sacyjalnych ustanovach.
— Adkaznaść za vykanańnie rekamiendacyj ŭskładziena na kiraŭnikoŭ. Praduhledžana administracyjnaja adkaznaść — padkreśliła S. Jarmak.
— Prapracoŭvajecca i pytańnie ab uviadzieńni piersanalnaj adkaznaści za nievykarystańnie masak u hramadskich miescach. Zhodna z Zakonam ab achovie zdaroŭja adkaznaść za asabistaje zdaroŭje lažyć na kožnym čałavieku.
Masačny režym budzie dziejničać da stabilizacyi epidemijałahičnaj abstanoŭki. Maski lepš mianiać kožnyja dźvie hadziny.
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary