U śpis vysokarentabielnych pradpryjemstvaŭ, jakim treba padzialicca prybytkam, trapiła hazieta «Miedycynski vieśnik»
Vysokarentabielnyja arhanizacyi pieraličać u dziaržaŭny metavy biudžetny fond nacyjanalnaha raźvićcia častku prybytku (dachodu) pa vynikach pracy za pieršaje paŭhodździe. Adpaviednaja pastanova ŭrada ad 16 listapada aficyjna apublikavana na Nacyjanalnym pravavym internet-partale.
Usiaho pryvodzicca 47 takich arhanizacyj. Naprykład, Hrodzienskaja tytuniovaja fabryka «Nioman» pieraličyć 26,481 młn rubloŭ, Biełaruskaja ŭniviersalnaja tavarnaja birža — 1,73 młn rubloŭ, Minski zavod pienistych vin — 1,579 młn rubloŭ, Nacyjanalny centr abmienu trafikam — 1 młn rubloŭ.
Źviartaje na siabie ŭvahu ŭ śpisie i RUP «Redakcyja haziety «Miedycynski vieśnik». Jano pavinna pieraličyć 112 tysiač rubloŭ.
Srodki ŭ fond naležyć ŭnieści roŭnymi dolami ŭ listapadzie-śniežni biahučaha hoda nie paźniej za 25-y dzień kožnaha miesiaca.
***
«Miedycynski vieśnik» vydajecca raz na tydzień pa-rusku na 24 staronkach. Nakład apošniaha numara — 34 177 asobnikaŭ.
Kamientary