Znoŭ aktyvizavalisia bankaŭskija machlary. Ale hetym razam jany telefanujuć u vajbiery
U Biełarusi znoŭ aktyvizavalisia bankaŭskija machlary. Schiema staraja: machlar pradstaŭlajecca supracoŭnikam banka i sprabuje vyznać u achviary jaje infarmacyju pra kartku abo źviestki dla ŭvachodu ŭ internet-bank. Ale na hety raz telefanujuć praz Viber, piša Tut.by.
— Aktyvizavalisia ašukancy. Pradstaŭlajucca Biełarusbankam, niejkaj ahulnaj sistemaj biaśpieki. Kažuć, što była sproba śpisańnia hrašovych srodkaŭ z majho rachunku, i inšuju łuchtu. Uvohule, sprabujuć daznacca asabistyja źviestki, reštu rachunku na karcie. Tolki što i majoj siabroŭcy telefanavali, — raspaviała čytačka.
Dniami machlar patelefanavaŭ u vajbiery i karespandentu Tut.by. jaho akaŭnt byŭ padpisany jak «BPS-BANK» (pravilnaja nazva banka — BPS Śbierbank), a numar pačynaŭsia ličbami + 357 (ich na pieršy pohlad možna pierabłytać z kodam Biełarusi +375). Čałaviek chacieŭ paćvierdzić pieravod na bujnuju sumu, a na admovu skazaŭ, što ŭ takim vypadku paćviardžaje pieravod. Zrazumieła, nijakaha pieravodu, jaki nibyta treba było paćvierdzić, nie isnavała.
Ab padobnych zvankach svaich klijentaŭ papiaredžvaje i MTBank. Tam pišuć, što apošnim časam fiksujucca sproby višynhu (telefonnaha machlarstva), u tym liku praz Viber.
— Złamyśniki, pradstaŭlajučysia pa telefonie rabotnikami słužbaŭ biaśpieki roznych bankaŭ, sprabujuć atrymać źviestki ŭvachodu ŭ asabisty kabiniet internet-banka i mabilnaha dadatku.
Jašče raz nahadvajem, što supracoŭnik banka nie moža zapytvać u klijenta kanfidencyjnuju infarmacyju, bo ŭsie danyja ŭžo jość u sistemie. Tamu nielha paviedamlać kamu b tam ni było kanfidencyjnuju infarmacyju: svaje pašpartnyja źviestki, poŭnyja rekvizity karty, kody, jakija pastupajuć na telefonny numar, łahin i parol dla ŭvachodu ŭ internet- i mabilny banki, — paviedamlajuć u banku.
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary