Siamju z Vaŭkavyska abvinavacili ŭ hvałcie nad milicyjanieram: žonku asudzili na «chatniuju chimiju», muža — na kałoniju
Sud Vaŭkavyskaha rajona 24 śniežnia vynies prysud pa kryminalnaj spravie pa art. 364 Kryminalnaha kodeksa mužu i žoncy Alehu i Anastasii Faminym. Ich abvinavacili ŭ hvałcie 15 žniŭnia nad supracoŭnikam milicyi Viačasłavam Ivanovym, kali svarka siamji ź milicyjantam pierarasła ŭ bojku. Sudździa Mikałaj Tałaška asudziŭ Anastasiju da 1,6 hady «chatniaj chimii», a jaje muža — Aleha Famina — da 2,6 hady kałonii ahulnaha režymu. Taksama Aleh pavinien vypłacić milicyjantu 2000 rubloŭ za maralnuju i fizičnuju škodu, paviedamlajuć pravaabaroncy.
Nahadajem, 15 žniŭnia hetaha hoda, kali milicyjant sychodziŭ ź jubileju baćki, da jaho padyšoŭ Aleh Famin, nazvaŭ fašystam, abraziŭšy hetym, i abiacaŭ fizičnuju raspravu. Paśla čaho zaviazałasia svarka i ŭrešcie bojka. Da bojki u niejki momant dałučyłasia Nastaśsia Famina, žonka Aleha. Faminy svajoj vinu nie pryznajuć i ličać, što bojku pačaŭ sam Viačasłaŭ Ivanoŭ.
Prakuror zaprašvaŭ try hady pazbaŭleńnia voli ŭ kałonii ahulnaha režymu dla Aleha Famina i try hady abmiežavańnia voli biez nakiravańnia ŭ papraŭčuju ŭstanovu («chatniaj chimii») dla Anastasii Faminoj.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary