Barnukova pra prapanovy KDK: Heta škodnictva. Ekanamisty ŭrada zdźmulisia
Ekanamisty abmiarkoŭvajuć prapanovy KDK pa «ŭdaskanalvańni sistemy padatkaabkładańnia IP».
Čytajcie: KDK prapanuje takija źmieny ŭ padatkaabkładańnie IP, što los małoha biznesu vyhladaje biazradasna
Svajo mierkavańnie dla «Našaj Nivy» vykazała Kaciaryna Barnukova, akademičnaja dyrektarka Biełaruskaha ekanamičnaha daśledča-adukacyjnaha centra (BEROC).
«Dziela prykryćcia schiem, jakimi zajmajucca adzinki, ułady chočuć uskładnić dziejnaść 250 tysiačam IP. Mnohija ź ich spyniać rabotu, bo bolšaść ipešnikaŭ usio ž maje nievialikija prybytki. U nas stanie bolš biespracoŭnych. Inšyja ŭklučać u canu pavyšanyja padatki, što paciahnie padaražańnie mnohich tavaraŭ i pasłuh dla nasielnictva.
Pryniaćcie hetych prapanoŭ stanie sihnałam dla ŭsiaho astatniaha biznesu, što ekanamičnaje kryło ŭrada, jakoje apošnija 10 hod sprabavała pravodzić marudnuju libieralizacyju ekanomiki, zdźmułasia.
Zamiest ekanamistaŭ ekanomikaj pačynajuć zajmacca siłaviki, jakija bačać u biznesie nie padmurak dabrabytu, a padatkovuju bazu ci śpiekulantaŭ.
Toje, što jość prapanovy cisku na IP, źnizić inviestycyjnyja nastroi dla ŭsiaho biznesu jašče da taho, jak hetyja novaŭviadzieńni nabuduć moc.
Heta škodnictva dla biełaruskaj ekanomiki, jakaja i tak pieražyvaje nie lepšyja časy», — ličyć Barnukova.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary