Z ahłušalnaj parazy pačała moładzievy čempijanat Jeŭropy zbornaja Biełarusi pa futbole.
Z ahłušalnaj parazy pačała moładzievy čempijanat Jeŭropy zbornaja Biełarusi pa futbole. Kamanda Juryja Kurnienina była razhromlenaja haspadarami turniru šviedami ź likam 5:1.
Zrešty, pačynałasia ŭsio nie tak kiepska dla našych. Na 33‑iaj chvilinie šalony pa pryhažości ŭdar atrymaŭsia ŭ paŭabaroncy minskaha «Dynama» Siarhieja Kiślaka — 0:1. Viedali b biełarusy, što hetym udaram jany tak raźjušać skandynavaŭ.
Prajšło kryšku bolš za chvilinu, jak Rasmus Elm advažyŭsia na dalni ŭdar. Zdavałasia, što bramnik Pavieł Časnoŭski kantraluje situacyju, ale hałavu padstaviŭ abaronca Alaksandr Martynovič, ad jaje miač i zrykašeciŭ u varoty. Prachodzić jašče čatyry chviliny i Markus Bierh absalutna spakojna raspraŭlajecca z tryma abaroncami i zbornaj Biełarusi i vyvodzić šviedaŭ napierad.
Adčuvałasia, što ŭ našaj zadniaj linii tvorycca absalutny bardak. Napieradzie atrymlivałasia nie bolš. Jašče da pierapynku ŭsio toj ža Bierh zrabiŭ lik 3:1.
U druhim tajmie biełarusy staralisia niešta źmianić, adnak nie atrymałasia. Bierh ža aformiŭ chiet‑tryk. A Hustaŭ Śviensan zrabiŭ lik uvohule nieprystojnym — 5:1.
Italija i Sierbija - 0:0.
Turnirnaje stanovišča: Šviecyja - 3, Italija, Sierbija - pa 1, Biełaruś - 0.
U piatnicu zbornaja Biełarusi hulaje ź Sierbijaj. U aŭtorak, 23 červienia, ź Italijaj.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m101
Kamientary