SK zaviaršyŭ rasśledavańnie kryminalnaj spravy Cichanoŭskaha i Statkieviča
Śledčy kamitet pieradaŭ prakuroru dla nakiravańnia ŭ sud kryminalnuju spravu ŭ dačynieńni da Siarhieja Cichanoŭskaha, Mikałaja Statkieviča i jašče čatyroch čałaviek.
U jakaści abvinavačanych pa kryminalnaj spravie prachodziać šeść čałaviek.
Siarhieju Cichanoŭskamu, Arciomu Sakavu, Dźmitryju Papovu inkryminavana:
— arhanizacyja masavych biesparadkaŭ na terytoryi Respubliki Biełaruś u 2020 hodzie (č. 1 art. 293 Kryminalnaha kodeksa Biełarusi) — ad piaci da piatnaccaci hadoŭ pazbaŭleńnia voli;
— raspaŭsiud hrupaj asob pa papiaredniaj zmovie materyjałaŭ, nakiravanych na raspalvańnie sacyjalnaj varožaści suprać pradstaŭnikoŭ ułady i pravaachoŭnych orhanaŭ (č. 3 art. 130 Kryminalnaha kodeksa Biełarusi) — ad piaci da dvanaccaci hadoŭ pazbaŭleńnia voli;
— pahrozy na adras staršyni Centralnaj kamisii Respubliki Biełaruś pa vybarach i praviadzieńni respublikanskich refierendumaŭ (č. 2 art. 191 Kryminalnaha kodeksa Biełarusi) — da piaci hadoŭ pazbaŭleńnia voli;
— arhanizacyja hrupavych dziejańniaŭ, jakija hruba parušajuć hramadski paradak i spałučanych z užyvańniem hvałtu ŭ dačynieńni da pradstaŭnikoŭ ułady (č.1 art. 342 Kryminalnaha kodeksa Biełarusi) — da troch hadoŭ pazbaŭleńnia voli.
Mikałaju Statkieviču vystaŭlena abvinavačańnie ŭ arhanizacyi masavych biesparadkaŭ (č. 1 art. 293 Kryminalnaha kodeksa Biełarusi).
Dziejańni abvinavačanych Ihara Łosika i Vitala Cyhanoviča kvalifikavanyja:
— raspalvańnie sacyjalnaj varožaści i varožaści ŭ dačynieńni da pradstaŭnikoŭ ułady i pravaachoŭnych orhanaŭ, učynienyja hrupaj asob (č. 3 art. 130 Kryminalnaha kodeksa Biełarusi);
— arhanizacyja masavych biesparadkaŭ, jakija supravadžalisia pahromami, padpałami, źniščeńniem majomaści i uzbrojenym supracivam pradstaŭnikam ułady (č. 1 art. 293 Kryminalnaha kodeksa Biełarusi).
Kryminalnaja sprava pieradadziena prakuroru dla nakiravańnia ŭ sud.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary