Jakija inhredyjenty možna dadavać u kavu, a ad čaho lepiej ustrymacca
Nie ŭsio pryniasie zdaroŭju karyść.
Nakont kavy ŭ kožnaha jość svaje pieravahi. Ale nie zaŭsiody toje, što my dadajom u jaje, karysna dla zdaroŭja. Voś što pra heta dumajuć dyjetołahi.
Pačniom z tradycyjnaha biełaha cukru. Na žal, jon nie maje nijakaj charčovaj karyści. Bolš za toje, kali ŭžyvać zanadta šmat cukru, heta moža paškodzić zdaroŭju, u tym liku pavysić ryzyku dyjabietu i atłuścieńnia. I, kali pić šmat kavy z cukram, možna pieravysić jaho štodzionnyja normy ŭžyvańnia, piša Huffpost.
Možna zamianić bieły cukar, naprykład, sacharynam ci aspartamam. Zaraz hetyja rečyvy ličacca biaśpiečnymi dla zdaroŭja, ale ich praźmiernaje ŭžyvańnie moža vyklikać prablemy z stravavańniem. Tamu lepiej zamianiać cukar na naturalnyja rečyvy, naprykład, na steviju.
Dyjetołahi adnolkava dobra staviacca i da karovinaha, i da raślinnaha małaka. Karovina małako — dobraja krynica kalcyju, białku i vitaminu D. Ale, kali vy pa niejkich pryčynach nie ŭžyvajecie małočnyja pradukty, možna vybrać raślinnyja alternatyvy. Ciapier isnuje raślinnaje małako na bazie zbožžavych, arechaŭ, babovych i inšych rečyvaŭ — naprykład, na bazie aŭsianki, mindala ci soi.
A voś ad viarškoŭ dla kavy lepiej admovicca. Zvyčajna hety pradukt — kambinacyja padsałodžvalnikaŭ, aramatyzataraŭ i transtłuščaŭ, pry hetym takija viarški jašče i vielmi kałaryjnyja. Heta ž tyčycca i ŭźbitych viarškoŭ z mahazina.
Zusim inšaja historyja, kali chočacca dadać karycu ŭ kapučyna albo kurkumu ŭ łate. Śpiecyi mohuć nie tolki palepšyć pach napoju, ale i prynieści karyść zdaroŭju: karyca, naprykład, źnižaje ŭzrovień cukru ŭ kryvi. Što tyčycca kurkumy, dyk jana dapamahaje zmahacca z zapaleńniami ŭ arhaniźmie, źnižaje ŭzrovień bolu i, mahčyma, zapavolvaje raźvićcio demiencyi.
Narešcie, lepiej nie dadavać u kavu štučnyja aramatyzavanyja siropy, bo jany źmiaščajuć zanadta šmat cukru i kałoryj. Možna zamianić ich naturalnymi padsałodžvalnikami, naprykład, klanovym siropam ci miodam.
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ9
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary