The Economist: Kreml prapanavaŭ siamji Trampa za źniaćcie sankcyj doli ŭ enierhietyčnych aktyvach
Kreml nibyta prapanavaŭ ludziam, blizkim da siamji prezidenta ZŠA Donalda Trampa, doli ŭ rasijskich enierhietyčnych prajektach u abmien na źmiakčeńnie abo źniaćcie amierykanskich sankcyj. Pra heta sa spasyłkaj na infarmavanyja krynicy paviedamiła vydańnie The Economist.
Pavodle hetych źviestak, havorka moža iści pra ŭdzieł u zdabyčy nafty i hazu ŭ Arktycy, raspracoŭcy radoviščaŭ redkaziamielnych mietałaŭ, stvareńni data-centra ź jadziernym enierhazabieśpiačeńniem, a taksama pra budaŭnictva tunela pad Bierynhavym pralivam.
Krynicy śćviardžajuć, što pierad letašniaj sustrečaj Uładzimira Pucina z Trampam na Alascy dla Rady biaśpieki Rasii padrychtavali dakumient z prapanovaj pradstavić amierykanskamu boku maštabnuju ekanamičnuju ździełku. U im Rasiju apisvali jak krainu ź vialikimi zapasami arktyčnych i paŭnočnych resursaŭ, u jakija nibyta buduć hatovyja inviestavać fondy z ZŠA i inšych dziaržaŭ. Adznačałasia, što heta moža prynieści značnyja prybytki i navat spryjać atrymańniu Nobieleŭskich premij lidarami dźviuch krain. Razam z tym, jak piša vydańnie, pradstaŭnikoŭ Trampa asabliva cikaviać doli ŭ bujnych prajektach, zdolnych paŭpłyvać na suśvietnyja syravinnyja rynki.
Raniej prezident Ukrainy Uładzimir Zialenski, spasyłajučysia na danyja raźviedki, zajaŭlaŭ, što Maskva prapanavała Vašynhtonu ździełku na 12 tryljonaŭ dalaraŭ u abmien na pasłableńnie sankcyj. Adnak The Economist adznačaje, što takija acenki vyhladajuć značna pierabolšanymi i mohuć być raźličanyja na toje, kab zrabić prapanovu bolš pryvabnaj dla Trampa.
Pavodle padlikaŭ vydańnia, navat pry adnaŭleńni abjomaŭ impartu i viartańni zamiežnych kampanij na rasijski rynak mahčymyja prybytki byli b značna mienšymi. Kab nablizicca da sumy ŭ 12 tryljonaŭ dalaraŭ, takija dachody pavinny byli b zachoŭvacca na praciahu mnohich dziesiacihodździaŭ. U materyjale taksama vykazvajecca mierkavańnie, što ŭ vypadku adnaŭleńnia šyrokaha handlu i inviestycyj rasijskaja ekanomika mahła b umacavacca.
Pytańniami ŭrehulavańnia vajny va Ukrainie ŭ administracyi Trampa zajmajucca jaho śpiecpasłańnik Styŭ Uitkaf i ziać Džared Kušnier, jakija padtrymlivali kantakty z rasijskim bokam. Raniej ZŠA prapanavali mirny płan, uzhodnieny z Kijevam i jeŭrapiejskimi sajuźnikami, i adbyłosia niekalki raŭndaŭ trochbakovych pieramoŭ. Pa słovach Zialenskaha, Vašynhton chacieŭ by zaviaršyć vajnu da červienia, bo paźniej uvaha Biełaha doma budzie skiravanaja na pramiežkavyja vybary.
Tramp zajaviŭ, što Pucin hatovy da ździełki. Kab tolki Zialenski nie spudłavaŭ
Zialenski: Pucin nie siadzić u turmie — heta samy vialiki kampramis, na jaki pajšoŭ śviet
«My pajšli na šmat kampramisaŭ». Zialenski vykazaŭsia pra sastupki pad ciskam ZŠA
Pucin na pieramovach z Trampam prosić viarnuć Rasiju ŭ dalaravuju sistemu
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary
Ili tolko priedłahajet kupiť? Tohda, połučajetsia, - jeŝie nie kupił?
Naład́tie kommunikaciju mieždu niejronami, napriahitieś.