Budučyja abituryjenty zapuścili prajekt «Biełaruskaja mova jak šlach da pastupleńnia»
Vučni vypusknych kłasaŭ roznych škoł praviali analiz vierahodnaści pastupleńnia ŭ biełaruskija VNU i pryjšli da vysnovy, što vypuskniki, jakija abirajuć biełaruskuju movu, pavyšajuć svaje šancy na pastupleńnie. Jany zapuścili prajekt «Biełaruskaja mova jak šlach da pastupleńnia».
Z adnaho boku, heta dazvolić lahčej zdać ekzamieny, a ź inšaha — u pierśpiektyvie pavialičyć prysutnaść biełaruskaj movy ŭ krainie i jejnaje piśmiennaje ŭžyvańnie.
HIstoryja pačałasia ź mit-apu prajekta #pieršyja, u jakim varta było znajści aktualnuju prablemu i vyrašeńnie hetaj prablemy pa kirunku «Kultura», dzie mientaram vystupiŭ Alaksandr Šastakovič — kiraŭnik płatformy say.by. I paśla surjoznaha abmierkavańnia junaki vyrašyli ŭziacca za razbureńnie stereatypaŭ. Jany vyjavili adzin z samych pašyranych: što ruskuju movu zdavać niby praściej, bo na joj razmaŭlaje bolšaść. Hipoteza pra najaŭnaść stereatypu paćvierdziłasia apytańniami niekatorych vypusknych kłasaŭ.
Niahledziačy na toje, što biełaruskaj movy amal nie čuvać navokał, jaje zdaje bolš za 25% vypusknikoŭ, i štohod heta ličba tolki raście. A samym šakujučym faktam źjaviŭsia adsotak tych, chto zdaje na 100 bałaŭ.
Ź jaho vynikaje, što kožny hod usio bolš i bolš abituryjentaŭ nabirajuć 100 bałaŭ pa biełaruskaj, pryčym roźnica z ruskaj movaj uražvaje. Dyk navošta abmiažoŭvać svaje šancy, kali možna karystacca cudoŭnaj rodnaj movaj?
Ruskaja mova — adna z samych składanych movaŭ u śviecie. Naprykład, repietytary rajać vyvučyć 24 vyklučeńni z praviłaŭ u biełaruskaj movie i ažno 70 u ruskaj. U biełaruskaj «o» — zaŭsiody pad naciskam, a ŭ ruskaj 15 punktaŭ i padpunktaŭ dla pravapisu ŭ nazoŭnikach, prymietnikach, u vyklučeńniach, u nienacisknych, u zapazyčanych słovach i da taho padobnaje.
Junaki vyrašyli zrabić buklet, u jakim zhadać asnoŭnyja adroźnieńni, ścisła pryvieści šerah faktaŭ i vynikaŭ apytańniaŭ. Akramia taho, zapuścili telehram-kanał i instahram, dzie padrabiazna paraŭnoŭvajucca praviły i vyklučeńni z praviłaŭ u ruskaj i biełaruskaj movach.
A ciapier, dziakujučy płatformie say.by, zamović stos bukletaŭ u svaju navučalnuju ŭstanovu možna absalutna biaspłatna. Treba tolki zapoŭnić formačku.
-
Ministr adukacyi raskazaŭ, chto budzie adkazvać za zachavanaść mabilnikaŭ, jakija buduć zabirać u školnikaŭ
-
Bajkier z chvastom. Brescki džek-raseł na matacykle staŭ zorkaj TikTok
-
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj11
Kamientary