«Balić adbitaja ŭščent hałava». Što napisaŭ Ściapan Łatypaŭ u dzień pačatku suda, kali jon parezaŭ sabie horła
Čytač Svabody padzialiŭsia listom ad Ściapana Łatypava, jaki toj napisaŭ u dzień, kali pačaŭsia sud nad im i kali viazień sprabavaŭ zabić siabie ŭ sudovaj kletcy.
Pryvodzim frahmient lista.
«01.06.2021
Nie, šanoŭnaja, heta nie ciažarny pitbul z hołkami na śpinie. Heta vožyk z pavietranym źmiejem u maim vykanańni. Heta ŭžo 20-ja, padajecca, sproba namalavać niešta padobnaje da vožyka z pavietranym źmiejem.
Pryvitańnie! Niekalki tydniaŭ zapar balić adbitaja ŭščent hałava, dumki hublajucca i składana kancentravacca».
Chto i čamu adbiŭ jamu hałavu, Ściapan nie tłumačyć. List nievialiki. Dalej mužčyna piša ŭžo pra asabistyja rečy, źviazanyja ź ludźmi, jakija atrymali list.
Nižej — frahmienty raniejšych listoŭ Ściapana Łatypava, dzie jon piša pra kiepskija ŭmovy ŭtrymańnia i toje, ad čaho jamu ciažka.
«Kali łaska, čakaj mianie mocna-mocna. Tady ja abaviazkova viarnusia navat ź piekła, ja dužy, ja zdoleju, tolki čakaj. Abdymaju mocna i doŭha». List ad 18 sakavika 2021 hoda.
«Bolej za ŭsio bajusia, što kali pačnu havaryć pierad sudździoj, hołas budzie dryžać ad kryŭdy dy bolu». Štamp na liście 7 maja 2021 hoda.
«Miascovyja stravy jamo zredku, ale jany z kožnym tydniem usio lepiej, ci to ja ŭžo pryzvyčaiŭsia. Izalacyja ŭsio hłybiej dy hłybiej. Niama bolej «Novaha času», niama «Biełarusy i rynak», niama telebačańnia. Jość «SB» i razumieńnie, što ŭsio darma. Listy chodziać niabłaha. U kamiery horača i nie vielmi smačna pachnie, tamu kinuŭ apošnim časam złavacca na tych, chto palić kožnyja piać chvilin». Štamp na liście 19 maja 2021 hoda.
«Brakuje čystaha pavietra; miesca, dzie pisać; vožykaŭ dy nadziei». List ad 23 maja 2021 hoda.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary