Za vypłatu zarpłaty ŭ kanviercie ŭvodzicca kryminalnaja adkaznaść
Kamitet dziaržaŭnaha kantrolu prakamientavaŭ adno z novaŭviadzieńniaŭ u Kryminalny kodeks Biełarusi, piša BiełTA.
Zakonam «Ab źmienie kodeksaŭ pa pytańniach kryminalnaj adkaznaści» aproč inšaha ŭvodzicca kryminalnaja adkaznaść za ŭchileńnie ad vykanańnia abaviazkaŭ padatkovaha ahienta pa pieraličeńni padatkaŭ, zboraŭ (artykuł 2431 KK) i ŭchileńnie ad vypłaty strachavych uznosaŭ (artykuł 2433 KK). Źmieny ŭstupajuć u siłu 19 červienia.
Uzmacnieńnie adkaznaści najmalnikaŭ za vypłatu zarpłaty ŭ kanviercie inicyjavana Kamitetam dziaržkantrolu i abumoŭlena «niedastatkovaściu isnujučych mier administracyjnaha ŭździejańnia ŭ baraćbie z hetaj niehatyŭnaj źjavaj».
U KDK źviarnuli ŭvahu, što kryminalnaja adkaznaść praduhledžana vyklučna za naŭmysnyja dziejańni, źviazanyja ź niavypłataj strachavych uznosaŭ i niepieraličeńniem padatkaŭ, zboraŭ. I tolki pry ŭmovie, što suma niavypłačanych płaciažoŭ pieravyšaje bujny pamier: dla padatkaŭ, zboraŭ — 1 tys. bazavych vieličyń, dla strachavych uznosaŭ — 2,5 tys. bazavych vieličyń (u ciapierašni čas 29 tys. i 72,5 tys. rubloŭ adpaviedna).
Słužbovyja asoby arhanizacyj, jakija nie chavajuć zarabotnuju płatu, naličvajuć strachavyja ŭznosy, ale nie pieraličvajuć ich u fond sacyjalnaj abarony nasielnictva (naprykład, u suviazi z adsutnaściu hrošaj na rachunku), buduć nieści administracyjnuju adkaznaść.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary