Z 1 lipienia ŭ Jeŭrasajuzie pačała dziejničać sistema ličbavych kavid-siertyfikataŭ. Meta novaŭviadzieńnia — palehčyć u čas pandemii pieramiaščeńnie pa šenhienskaj zonie, pry hetym najaŭnaść siertyfikata nie źjaŭlajecca abaviazkovaj umovaj dla padarožžaŭ pa ES.
Siertyfikat moža być vydadzieny ŭ troch vidach adpaviedna kankretnaj situacyi — naprykład, čałaviek byŭ vakcynavany suprać kavidu, atrymaŭ niehatyŭny rezultat testu abo vyzdaravieŭ paśla chvaroby. Dakumient budzie vydavacca biaspłatna, a infarmacyja ŭ im budzie dubliravacca na dźviuch movach — na anhlijskaj i na nacyjanalnaj movie krainy, što vydaje dakumient.
Čakajecca, što ŭłaśnik kavid-siertyfikata budzie volny ad lubych abmiežavańniaŭ pieramiaščeńnia, źviazanych z pandemijaj. Vyklučeńnie — nieabchodnaść abmiežavańniaŭ u metach abarony hramadskaha zdaroŭja, piša aficyjny resurs Jeŭrakamisii.
Termin dziejańnia siertyfikataŭ składaje 180 dzion.
Asoby z stanoŭčym PŁR-testam na kavid majuć prava na atrymańnie siertyfikata nie raniej za 11 sutak paśla hetaha testu.
Biełarusy zdolejuć atrymać kavid-siertyfikat tolki na terytoryi ES.
Dla hetaha padarožnikam z našaj krainy spatrebicca paćvierdžańnie vakcynacyi abo testu, vydadzienaje doma. Kožnaja kraina ES sama vyrašaje, jakoje paćvierdžańnie jana budzie pryznavać i ci budzie vydavać siertyfikat.
Inšaje pytańnie — vakcyny, u vypadku ź jakimi budzie dziejničać kavid-siertyfikat.
Abaviazkova buduć pryznanyja usie zarehistravanyja ŭ ES vakcyny, zaraz ich čatyry: BioNTech/Pfizer, Moderna, AstraZeneca i Johnson&Johnson.
Taksama ŭ ES mohuć pryznavać vakcyny, rekamiendavanyja SAAZ dla vykarystańnia va ŭmovach nadzvyčajnaj situacyi. Heta indyjski anałah vakcyny ad AstraZeneca Covishield, a taksama kitajskija Sinopharm i Sinovac — pieršy z hetych preparataŭ jakraz prymianiajecca ŭ našaj krainie.
Što datyčycca «Sputnika V», jon pakul nie maje adpaviednaha pryznańnia ad SAAZ i ES. Ale ŭ tych krainach ES, dzie prymianiajecca rasijskaja vakcyna, usio ž taki možna atrymać na jaje siertyfikat. Praŭda, kožnaja z krain ES sama vyrašaje, ci pryznavać jaho.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary