8 lipienia ŭ Homieli kala budynka abłvykankama byŭ zatrymany člen hramadskaj arhanizacyi «Biełaruskaja asacyjacyja žurnalistaŭ» Aleh Ražkoŭ.
8 lipienia ŭ Homieli kala budynka abłvykankama byŭ zatrymany člen hramadskaj arhanizacyi «Biełaruskaja asacyjacyja žurnalistaŭ» Aleh Ražkoŭ.
Jon znachodziŭsia kala abłvykankama padčas akcyi pradprymalnikaŭ, jakija sabralisia dla pieradačy miascovym uładam adozvy z patrabavańniem admianić rašeńnie ab zabaronie handlu pivam u kijoskach. Ražkoŭ vykonvaŭ svaje prafiesijnyja abaviazki — zdymaŭ toje, što adbyvajecca, na videakamieru dla padrychtoŭki siužeta dla navinaŭ.
Paśla taho jak pradprymalniki razyšlisia, da žurnalista padyšli dva čałavieki ŭ cyvilnym, nazvalisia milicyjanierami i z vykarystańniem siły paviali jaho va ŭpraŭleńnie ŭnutranych spraŭ Homielskaha abłvykankama. Svaje dziejańni jany rastłumačyli tym, što videakamiera, jakoj zdymaŭ Ražkoŭ, padobnaja na tuju, što znachodzicca ŭ vyšuku.
Jak paviedamiŭ BiełaPAN Ražkoŭ, kali vyśvietliłasia, što jaho videakamiera nie kradzienaja, supracoŭniki milicyi zacikavilisia kasietami i kanfiskavali ich. U dačynieńni da žurnalista składzieny administracyjny pratakoł ab udziele ŭ niesankcyjanavanym mierapryjemstvie.
21 lutaha Ražkoŭ užo zatrymlivaŭsia milicyjaj i byŭ aštrafavany nibyta za ŭdzieł u niesankcyjanavanym mierapryjemstvie. U toj dzień u Homieli prachodziła akcyja, prymierkavanaja da Dnia rodnaj movy, i žurnalist jaje aśviatlaŭ.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary