Majkła Džeksana jak idała zabili «Fabryki zorak». Piša Pavał Kaściukievič.
Majkła Džeksana jak idała zabili «Fabryki zorak». Piša Pavał Kaściukievič.
Tajemnyja spružyny «Fotašopa»
Pieršym ćvikom u trunu karala popu było karaokie. Nam, jakija biez saramlivaści mahli śpiavać adno la vohnišča i ŭ dušy, daviali, što možna i varta — niama čaho saromiecca. Novaśpiečanyja starletki i starlety, adčuŭšy smak vopleskaŭ, zapisanych tymi ž karaočnymi kampanijami, pačyścili horła i prypuścili na ŭsie zastaŭki. Tak naradziŭsia «Amierykan ajdał» (u postsavieckim pierakładzie — «Fabryka zorak»). Potym piajać stali palityki i spartoŭcy — talent u trenikach nie schavaješ. Što ty, što ty! Budź takim, jaki ty jość. Budź samim saboju i zrobišsia najlepšym. Kryvy, kasy, i śpiavaješ kiepska? Usio pravilna, my nie admaŭlajem... treba hladzieć praŭdzie ŭ vočy: kryvy, kasy... akramia apošniaha słova «kiepska». Ty śpiavaješ dobra. Zapomni i pieradaj inšym spažyŭcam našaha praduktu.Ty śpia-va-ješ das-ka-na-ła.
Biaśsilnaja złoba elity
Ciapier užo dakładna ŭsio. Majkł Džeksan, jaki ŭsio žyćcio namahaŭsia zrabicca biełym i pušystym, i jakoha, z usimi jaho ŭźlotami i padzieńniami, sapraŭdy kiłbasiła nie pa-dziciačamu, byŭ biaźlitasna bity «fabryčnym» tuzom. Zamiest karaleŭskaha dvara i prydvornych ufarmavaŭsia hamanlivy, poŭny roznastajnych zorak usialakich žanraŭ, sojmik, kudy deputataŭ delehujuć sms-hałasavańniem. Jakich u lubuju chvilu mohuć pieraabrać i pieratasavać. I vysunuć u kandydaty samich siabie. Ciapier stroha: chočaš być karalom — udakładniaj: «Ja — karol aryjentalnaha popu Bośnii i Hiercahaviny» abo «Jon — karol biełaha džazu ŭ kłubnych ustanovach Žmierynki pa niacotnych dniach». Kab usio było jasna — svaboda ž!
Staražytnyja hreki byli lichija chłopcy. Zapuściŭšy svoj machavik demakratyi, navat nie viedali, što ŭłada narodu dabiarecca tudy, kudy Makar cialat nie haniaŭ. Prasiaknutaje ich idejami, čałaviectva, viadoma, vieryła ŭ demakratyju jak palityčnuju sistemu: padzieły ŭładaŭ i ŭsio takoje. Ale ŭ hłybini dušy było vyklučna manarchisckim: jak dakładna vykazaŭsia adzin z hierojaŭ stužki Snatch, uładar juvielirnaj kramki ŭ Ńju-Jorku: «Na vulicy, moža, i demakratyja, ale ŭ majoj kramie — niedemakratyja».
U hetaj bitvie pieramahli takija, jak Arnold Švarcnehier, što pierakananyja, što kožny, - viadoma, kali jon budzie vielmi vypinać žyły, — zmoža daraści da kiraŭnika Junajted Stejts of Amieryka (ci prynamsi da hubiernatara stejta Kalifornija). Džeksan, miesiacovy chadok i spadčynny Maleńki Prync, jaki raźbiraŭ siabie pa łapiku, aby nie apynucca ŭ prakrustavym łožku pasiarednaści, zaznaŭ parazu. Idały zrabilisia praściejšymi. Take it easy…
-
«Vy viedajecie, što bolšaść biełarusaŭ ličać vas nikčemnymi chałujami?»
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Ciapier čytajuć
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1212
Kamientary