U Hrodzienski kaledž mastactvaŭ hatovyja pryniać navat tych, chto nie hraje na muzyčnych instrumientach. Ź lubym atestatam
«Možna zusim nie ŭmieć hrać na instrumientach, tut navučym i na cymbałach, i na skrypcy. Kali nie spadabajecca, možna zaŭsiody viarnucca ŭ škołu», — kažuć supracoŭniki kaledža.
Jak stała viadoma «Našaj Nivie», u apošni dzień pryjomu dakumientaŭ, 3 žniŭnia, U Hrodzienski kaledž hatovyja ŭziać usich, dastatkova mieć za plačyma dzieviać kłasaŭ adukacyi. Pryčym bał u atestacie moža być lubym.
U pryvatnaści, havorka idzie pra dźvie śpiecyjalnaści adździaleńnia narodnaj tvorčaści — charavaja muzyka i instrumientalnaja.
Na pieršuju i druhuju niedabor składaje try čałavieki (usiaho płanavałasia nabrać hrupy z vaśmi i šaści čałaviek na biudžet adpaviedna).
Jak raspaviali ŭ pryjomnaj kamisii, prasłuchoŭvańnie dla budučych vakalistaŭ i muzykaŭ praduhledžanaje, ale heta chutčej farmalnaść.
«Možna zusim nie ŭmieć hrać na instrumientach, tut navučym i na cymbałach, i na skrypcy. My va ŭsim apiakujem i padtrymlivajem dziaciej, dapamahajem. Piedahohi padciahnuć. Kali nie spadabajecca, možna zaŭsiody viarnucca ŭ škołu», — kažuć supracoŭniki kaledža.
Varta adznačyć, što inšaharodnim studentam prapanujuć internat. Biudžetniki taksama atrymlivajuć stypiendyju — minimalnaja składała kala 70 rubloŭ u pieršym siemiestry. Dalej talenavityja studenty majuć mahčymaść padniać jaje až da 200 rubloŭ.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary