Kurdskija siemji ź dziećmi ŭžo tydzień znachodziacca na miažy Łatvii i Biełarusi biez schovišča i ježy, paviedamlaje Delfi sa spasyłkaj na Deutsche Welle. Videa ź miažy dasłaŭ adzin ź mihrantaŭ pa imieni Rava. Siemji z 11 dziećmi ŭžo tydzień znachodziacca pamiž miežami Biełarusi i Łatvii. Nazad u Biełaruś ich nie puskajuć biełaruskija pamiežniki, a ŭ Łatviju — łatvijskija.
«My prosta chočam, kab jany nas departavali ŭ Irak, nam drenna, my stamilisia, nam nichto nie dapamahaje», — paviedamiŭ adzin ź mihrantaŭ.
Mužčyna raspavioŭ, što ludzi mierznuć i ŭ ich praktyčna nie zastałosia ježy.
Ministr unutranych spraŭ Łatvii Maryja Hołubieva paviedamiła ŭ Twitter, što «łatvijskaja pamiežnaja achova zabiaśpiečvaje ludziej, jakich biełarusy vyšturchvajuć na miažu ES, ježaj i vadoj, miedykamientami, adzieńniem, a taksama miedycynskimi abśledavańniami».
«Kali isnuje pahroza žyćciu i zdaroŭju, ich viazuć u špital», — zaznačyła palityk.
Stuck between Latvian guards on the one side and Belarusian guards on the other, these Kurdish families from Iraq have been stranded in no man's land for a week, without shelter or food.
One of them, a young man named Rawa, sent us these images. pic.twitter.com/CAfEjjRHFI
Jaje słovy paćvierdziŭ ministr achovy zdaroŭja Daniel Paŭluts, ckazaŭšy, što pamiežniki rehularna vyklikajuć da mihrantaŭ Słužbu nieadkładnaj miedycynskaj dapamohi i inšych miedykaŭ, a Daŭhaŭpiłskaja balnica znachodzicca ŭ režymie hatoŭnaści, kab akazać lubuju nieabchodnuju dapamohu.
Kiraŭnik MUS padkreśliła, što heta sproba režymu Łukašenki vykarystoŭvać ludziej u hibrydnaj apieracyi suprać ES.
U svaju čarhu, ministr abarony Arcis Pabryks abvinavaciŭ vydańnie ŭ praduziataści:
«Vaš repartaž praduziaty, bo vy nie paviedamlajecie, što biełaruskija ŭłady prymušajuć hetych ludziej pierasiakać miažu suprać ich voli», — zajaviŭ ministr u Twitter, pakazaŭšy, što heta źjaŭlajecca hibrydnaj vajnoj, skiravanaj na toje, kab nastroić žycharoŭ ES suprać ES.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary