U subotu viečaram u Sucharavie na vulicy Pimiena Pančanki znajšli pavietrany šar. Błoh «Otražienije» raskazaŭ padrabiaznaści incydentu.
Z błoham źviazaŭsia piłot šara Siarhiej, jaki pracuje ŭ kampanii ABC. Joj i naležyć šar.
U subotu ŭviečary jon vyrašyŭ ździejśnić čarhovy płanavy palot niedaloka ad Minska.
«Heta byŭ moj zvyčajny svabodny vylet.
Bo ja padrychtavany piłot, pytańniaŭ da mianie nikoli nie ŭźnikała, — raspaviadaje mužčyna. — U toj viečar było dobraje nadvorje. Ale ŭ niejki momant viecier źmianiŭ kirunak, mianie pačało vynosić u bok centra horada. A nad hetaj terytoryjaj paloty aerastatam zabaronienyja. Tamu ja vyrašyŭ pryniać usie miery dla biaśpiečnaj pasadki. I, mnie zdajecca, ździejśniŭ jaje na acenku «vydatna».
Siarhiej dadaje, što zvyčajna aerastaty pavinny pryziamlacca za horadam, kab na ich šlachu nie było nijakich pieraškod. Ale ŭ hetaj situacyi rašeńnie za piłota pryniaŭ viecier. U rajonie Sucharava Siarhiej ubačyŭ nievialikaje zialonaje pole płoščaj prykładna 200 na 400 mietraŭ. Na im nie było ni mašyn, ni ludziej, tamu mužčyna vyrašyŭ pryziamlicca niedaloka ad žyłych damoŭ.
«Da budynkaŭ zastavałasia jašče dosyć vialikaja adlehłaść, tamu ja śmieła vykanaŭ pasadku. Heta zvyčajnaja štatnaja situacyja, ni ab jakim ćviordym pryziamleńni havorki nie idzie.
Ludziej źbiantežyła tolki toje, što aerastat apynuŭsia na ziamli ŭ haryzantalnym stanoviščy. Napeŭna, im zdałosia, što jon «upaŭ», — kaža Siarhiej.
— Ale sprava ŭ tym, što luby pavietrany šar raździmajecca ŭ palocie, a paśla pasadki ź jaho pačynaje vychodzić haračaje pavietra. Aerastat astyvaje, i tolki zatym jaho možna spakojna składać u sumku. Robicca ŭsio heta tolki ŭ tym vypadku, kali jon spakojna lažyć na ziamli», — dadaŭ jon.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA5
Kamientary