Inśpiektar mytni, madel i studentka, što valsiravała z Łukašenkam. Chto sioleta ŭdzielničaje ŭ «Mis Biełaruś»?
Konkurs «Mis Biełaruś» u apošnija hady ŭsio mienš asacyjujecca z pryhažościu, i bolš — ź dziaržaŭnaj palitykaj. Kastynhi ŭ niekatorych haradach byli biez anšłahu — u Breście i Navapołacku pryjšło pa adnoj dziaŭčynie. Ale ŭdzielnic zmahli nabrać — u finał konkursu, jaki projdzie 10 vieraśnia, prabilisia 29 pretendentak. Pahladzieli, chto apynuŭsia siarod ich.
Volha Piatrovič
Studentka 4-ha kursa BDTU rodam z Barysava. Vučycca na biudžecie na inžyniera lasnoj haspadarki. Starasta hrupy. U volny čas hulaje ŭ tenis.
Pra Volhu «Naša Niva» ŭžo pisała. Heta jana ŭ śniežni valsiravała z Łukašenkam na bali ŭ Pałacy niezaležnaści.
«Ja sama zaprasiła Łukašenku na taniec. Jon nie admoviŭ — tančyć dobra. Tančyli vals, havaryli pra bal, jakaja ŭračystaja abstanoŭka, jakija tancory i jak jany vydatna vyhladajuć i starajucca», — raskazvała tady dziaŭčyna.
Uładlena Zajcava
Dziaŭčynie 23 hady, jana skončyła Mahiloŭski dziaržaŭny ŭniviersitet. Pracuje inśpiektaram mytni. Razam z tvorčym kalektyvam vystupała sioleta na Kupalli ŭ Aleksandryi, dzie prysutničaŭ i Łukašenka.
U sacsietkach inśpiektar časam pościć vieršy i pryznajecca ŭ lubovi da radzimy. «Tolki tut lohka i spakojna dychajecca, tolki tut adpačyvaje maja duša», — pisała dziaŭčyna.
Amalija Staravojtava
19-hadovaja Amalija taksama z Mahilova. Vypusknica kaledža kultury, aktrysa miascovaha dramatyčnaha teatra.
Trapić na konkurs pryhažości — jaje mara.
«Ja zachacieła stać udzielnicaj u 14 hod i ŭvieś čas da hetaha išła, pracavała nad saboj», — kaža jana.
Amalija, jak i jašče try mahiloŭskija ŭdzielnicy «Mis Biełaruś», — vychavanka haradskoha teatra mody i madelnaj škoły Taćciany Pałazkovaj.
Jana Baranoŭskaja
Minčanka vučycca markietynhu ŭ Instytucie biznesu BDU. Jak madel Nacyjanalnaj škoły pryhažości ŭdzielničaje ŭ zdymkach i pakazach. U volny čas Jana zajmajecca anhielskaj movaj, chodzić na fitnes i stretčynh.
Maryja Radźko
«Prachodžu šlach ad junaj dziaŭčyny da stałaj łedzi», — taki status staić u instahramie Maryi. Jana z Barysava, skončyła BDEU. Paśla ŭniviersiteta prachodziła praktyku na MAZie. Lubić vypiakać torty.
Pierad finałam konkursu Maryja šmat trenirujecca ŭ zale, kab pryvieści cieła ŭ formu.
Dzijana Kulik
Navučenka miedycynskaha kaledža z Maładziečna. Zachaplajecca tancami i śpievami. Sioleta Dzijana ŭžo zavajavała adzin tytuł — pieramahła na konkursie «Mis Maładziečna».
Kaciaryna Ničyšyna
Kaciarynie 24 hady. Jana z adznakaj skončyła jurfak Bresckaha dziaržaŭnaha ŭniviersiteta. Pracuje ŭ abłasnym upraŭleńni Dziaržkamiteta sudovych ekśpiertyz. Taksama dziaŭčyna viadzie naviny na rehijanalnym telebačańni.
Kaciaryna — vypusknica madelnaj škoły Nahornaha.
Kaciaryna Łajbis
Heta 22-hadovaja ŭdzielnica z Homiela. Paśla piedahahičnaha kaledža Kaciaryna pracuje ćjutaram u 62-j škole. A paralelna atrymlivaje vyšejšuju adukacyju — u Instytucie inkluziŭnaj adukacyi BDPU.
Na «Mis Biełaruś» Kaciaryna nie ŭpieršyniu. U 2018 hodzie jana była siarod finalistak konkursu.
Jana Bahdanovič
Jana sa Smarhoni. Pracuje nastaŭnicaj muzyki i zavočna vučycca na fakultecie estetyčnaj adukacyi BDPU. Dziaŭčyna ź dziacinstva hraje na bałałajcy i časta vystupaje z numarami na haradskich i rajonnych kancertach.
Palina Kruhlakova
U 23 hady dziaŭčyna vałodaje parfiumiernaj kramaj i dapamaje žyviołam — jana vałancior dabračynnaha prajekta Help Animals. Rodam Palina sa Žłobina. Jana taksama defiluje na pakazach biełaruskich tydniaŭ mody.
Aleksandra Papok
Radzima Alaksandry — Pietrykaŭ. Joj 19, vučycca ŭ BDEU. Słuchaje Maksa Karža — była na jaho kancercie na stadyjonie «Dynama».
Try hady tamu dziaŭčyna stała druhoj vice-mis na konkursie «Palesskaja pryhažunia».
Ciapier čytajuć
Pamior były palitviazień Valeryj Cimašenka. Jamu było 42 hady2
Kamientary