U Klimavičach 24 vieraśnia adbyŭsia pažar u rajonnym centry karekcyjna-raźvivajučaha navučańnia i reabilitacyi, što znachodzicca na vulicy 20 hadoŭ Kastryčnika, paviedamiła pres-słužba Ministerstva nadzvyčajnych situacyj.
Paviedamleńnie pra zadymleńnie ŭ kuchni na pieršym paviersie budynka pastupiła ŭ MNS u 11:34. Pryčynaj stała ŭklučeńnie elektryčnaj duchoŭki, u jakoj adbyłosia zaharańnie.
Na miesca adrazu vyjechali siem adzinak pažarna-vyratavalnaj techniki. Kali ratavalniki prybyli, adkrytaha ahniu ŭžo nie było. Supracoŭniki centra chutka zreahavali na situacyju: jany adklučyli elektrazabieśpiačeńnie i tym samym nie dali ahniu raspaŭsiudzicca, paśla čaho jon patuch samastojna.
Da pryjezdu MNS z budynka evakujavalisia ŭsie — 23 čałavieki, u tym liku šeść dziaciej. Na ščaście, abyšłosia biez paciarpiełych.
Kamientary