Biznesmien Alaksandr Knyrovič, jaki miesiac tamu vyjšaŭ z turmy, źjechaŭ z krainy
«Takim čynam, ja źjechaŭ… Niama i nie moža być nijakaj bolš važnaj kaštoŭnaści ŭ žyćci čałavieka, čym svaboda. Svaboda dumać, kazać, rabić. Nie azirajučysia… I heta štodzionnaje adčuvańnie važniejšaje za hrošy, zdaroŭje, seks i sacyjalny status», — napisaŭ jon u fejsbuku.
«Adzin moj znajomy, biełaruski pradprymalnik, na dniach skazaŭ mnie: «Ja žyvu, zasunuŭšy pačućcio ŭłasnaj hodnaści sabie ŭ …». Ja tak nie zmahu. Ja prosta nie zmahu siabie ŭhavaryć. Tamu — ja źjechaŭ.
Vielmi spadziajusia, što nie nazaŭsiody Usio-taki ja vielmi lublu svoj horad i hanarusia pieravažnaj bolšaściu ludziej. Trymajciesia, darahija maje hieroi!» — dadaŭ jon.
Alaksandr Knyrovič — biznesoviec. Suzasnavalnik hrupy kampanijaŭ «Sarmat», supolnaści «biznes-aniołaŭ» i vienčurnych inviestaraŭ «Bavin».
Byŭ miedyjapiersonaj, kałumnistam. Vostra vykazvaŭsia nakont stanovišča ŭ krainie. Ministerstva infarmacyi ŭ 2015 hodzie navat zabłakavała sajt kyky.org praź niekalki materyjałaŭ Knyroviča.
U 2018-m jaho prysudzili da 6 hadoŭ kałonii ŭzmocnienaha režymu. Knyroviča abvinavacili va ŭchileńni ad spłaty padatkaŭ u asabliva bujnym pamiery i chabary. Praź jahonuju niezakonnuju dziejnaść, pavodle śledstva, zavyšalisia košty na abstalavańnie, što nibyta navat adbiłasia na koštach ŽKH. Škodu acanili ŭ 3,4 miljona rubloŭ.
Knyrovič častkova pryznaŭ vinu. Kazaŭ, što namieru ŭchilacca ad spłaty padatkaŭ nie mieŭ.
Apielacyjny sud skaraciŭ termin źniavoleńnia da 5 hod.
Pakarańnie adbyvaŭ u viciebskaj kałonii, kudy adpraŭlajuć asudžanych biznesoŭcaŭ, byłych čynoŭnikaŭ i siłavikoŭ. U červieni 2021 hoda z hetaj kałonii daterminova vyjšli na svabodu akademik Bialecki i były namieśnik ministra achovy zdaroŭja Łasicki, asudžanyja za karupcyju.
17 žniŭnia 2021 hoda stała viadoma pra vyzvaleńnie Knyroviča. Termin jahony pieraličyli praź źmieny ŭ zakanadaŭstvie. Jon adsiedzieŭ 4,5 hoda.
-
Pry pajezdcy ź Biełarusi ŭ Polšču na miažy čakać tolki 6 hadzin, a nazad — sutki
-
Biełaruska za svoj košt arhanizavała śviata ŭ rodnaj vioscy, jakaja amal vymierła. Pryjechali adnaviaskoŭcy navat ź Jeŭrasajuza
-
«Zrabili pravilnyja vysnovy». Ministr enierhietyki acaniŭ likvidacyju nastupstvaŭ niepahadzi
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary