Syn supracoŭnicy KDB, vučyŭsia ŭ 20-j škole. Što viadoma pra siłavika, jaki zahinuŭ u pierastrełcy na Jakuboŭskaha?
Siońnia apubličyli asobu supracoŭnika KDB, jaki zahinuŭ padčas šturmu kvatery ajcišnika Zielcera. Zroblena heta było ŭ dzień pachavańnia siłavika. Da hetaha aficyjna paviedamlałasia tolki imia mužčyny — Dźmitryj i jaho pazyŭny — «Nirvana».
Zahinułaha supracoŭnika zavuć Dźmitryj Fiedasiuk. Jamu byŭ 31 hod. Fiedasiuk — uradženiec Minska, vučyŭsia ŭ zvyčajnaj škole numar 20.
Žanaty, maje 4-hadovaje dzicia. Paviedamlajuć, što jaho maci — kiraŭnik adnaho z padraździaleńniaŭ centralnaha aparata KDB.
Fiedasiuk słužyŭ u padraździaleńni «Alfa» KDB. Zajmaŭsia tajskim boksam, udzielničaŭ u ekstremalnych spabornictvach «Bison Race». U jaho sacsietkach amal vyklučna reposty, pryśviečanyja zbroi i sportu.
U pačatku 2020 hoda Fiedasiuk razam ź inšymi biełaruskimi śpiecsłužbistami naviedvaŭ Dubaj. Tam prachodzili spabornictvy śpiecnazaŭcaŭ z roznych krain śvietu.
«Alfa», dzie słužyŭ Fiedasiuk, tady zaniała 12 miesca, biełaruski AMAP — 13 ( ź biełaruskich SSA najlepšy vynik pakazaŭ SACHR — treciaje miesca).
Jak užo paviedamlałasia, pazyŭny Fiedasiuka — «Nirvana».
Pra śmierć siłavika vykazalisia čynoŭniki, byłyja i dziejučyja siłaviki i navat sam Łukašenka. Ale na pachavańnie kadebešnika Łukašenka nie pryjechaŭ — prosta dasłaŭ vianok.
-
U Barysaŭskim rajonie mužčyna zahinuŭ ad udaru tokam pry ŭklučeńni katła
-
«Try dni tamu jaje bačyli ŭ zhrai». Biełaruska pryniesła sabačku na apieracyju ŭ vietkliniku i ŭžo miesiac nie moža jaje znajści
-
Rabotnik minskaj STA tajemna źjeździŭ na čužoj mašynie ŭ Brest pa zapčastki. Usio vyjaviłasia vypadkova
Ciapier čytajuć
Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy12
Kamientary