Rasija pra Mažejku i «KP»: Zychodzim z taho, što pravy žurnalistaŭ buduć vykonvacca
Rasijski bok raźličvaje, što pravy žurnalistaŭ u Biełarusi buduć vykonvacca ŭ adpaviednaści z ahulnapryniatymi mižnarodnymi normami. Pra heta ŭ subotu zajaviła ahienctvu TASS aficyjnaja pradstaŭnica MZS Rasii Maryja Zacharava.
«Ambasada Rasii ŭ Minsku znachodzicca ŭ pastajannym kantakcie ź biełaruskim bokam pa pytańniach funkcyjanavańnia ŭ Biełarusi «Kamsamolskaj praŭdy». Havorka idzie ab biełaruskim ŚMI i hramadzianach Biełarusi. Pry hetym hazieta pracuje jak filijał rasijskaha vydańnia. U suviazi z hetym my zychodzim z taho, što pravy žurnalistaŭ buduć vykonvacca ŭ adpaviednaści z ahulnapryniatymi mižnarodnymi normami», — skazała dypłamat.
Biełaruskija drukarni spynili druk «Kamsamołki», a dziaržaŭnyja sietki raspaŭsiudu — prodaž haziety ŭ 2020 hodzie. U Biełarusi bolš nie drukujecca nivodnaje niezaležnaje hramadska-palityčnaje vydańnie. Apošniaje, «Novy čas», spyniła vychad u 2021 hodzie. Niezaležnyja telekanały i radyjo spynili isnavańnie jašče raniej, u 1996-m. Na siońnia nie mienš za 29 žurnalistaŭ pryznanyja palitviaźniami, jany znachodziacca ŭ źniavoleńni pa kryminalnych spravach.
U sieradu ŭłady Biełarusi zabłakavali sajt biełaruskaha vydańnia «Kamsamołki», a prałukašenkaŭskija kanały apublikavali šmatlikija materyjały z zaklikami da raspravy z vydańniem i jaho žurnalistami. Začepkaj stała publikacyja ŭ «KP» artykuła z vykazvańniami byłoj adnakłaśnicy Andreja Zielcera — 31-hadovaha minskaha ajcišnika, jaki adkryŭ ahoń z palaŭničaha ružža pa siłavikach u cyvilnym, što vybili dźviery jahonaj kvatery, kab pravieści pieratrus. Kiraŭnik rasijskaj «Kamsamołki» Uładzimir Sunhorkin nazvaŭ artykuł «niavinnym» i zajaviŭ, što da vydańnia prydzirajucca.
1 kastryčnika aŭtara taho artykuła Hienadzia Mažejku zatrymali, imavierna, u Maskvie i dastavili ŭ izalatar na Akreścina.
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary