Minfin pryznaŭ ciažkaści z refinansavańniem dziaržaŭnaha doŭhu. Hrošy chočuć uziać u Jeŭrazijskaha fondu stabilizacyi i raźvićcia
Biełaruś raźličvaje na čaćviortuju kredytnuju prahramu Jeŭrazijskaha fondu stabilizacyi i raźvićcia, paviedamlaje interfax.by sa spasyłkaj na pres-słužbu Minfina.
«U suviazi z uviadzieńniem zachodnich sankcyj na hetym etapie my sutyknulisia sa składanaściami pa refinansavańni svajho valutnaha dziaržaŭnaha doŭhu. Ź niekatorymi mižnarodnymi finansavymi instytutami praca pastaŭlena «na paŭzu». U hetaj suviazi supracoŭnictva ź Jeŭrazijskim fondam stabilizacyi i raźvićcia, našym daŭnim partnioram, źjaŭlajecca abhruntavanym i vyhadnym ź finansavaha punktu hledžańnia. Darečy, ciapier prapracoŭvajecca ŭžo čaćviortaja prahrama z fondam», — adznačyli viedamstvie.
U Minfinie abvierhli publikacyi ŭ ŚMI ab tym, što ŭmovaj prahramy była nieabchodnaść pryviazki nacyjanalnaj valuty da rasijskaha rubla albo pierachod na adzinuju valutu ŭ ramkach Sajuznaj dziaržavy.
Biełaruś u krasaviku 2020 hoda źviarnułasia ŭ MVF z prośbaj ab pradastaŭleńni $940 młn u ramkach instrumientaŭ chutkaha finansavańnia dla baraćby z pandemijaj, adnak srodki nie byli vyłučanyja z-za roznahałośsiaŭ u častcy vyznačeńnia spadarožnych umoŭ.
U žniŭni Minsk atrymaŭ ad MVF $925 młn u ekvivalencie na baraćbu z pandemijaj.
24 červienia ES upieršyniu ŭvioŭ siektaralnyja sankcyi ŭ dačynieńni da Biełarusi, jakija praduhledžvajuć u tym liku zabaronu na dostup Minska na jeŭrapiejskija rynki zapazyčańniaŭ.
Źniešni dziaržaŭny doŭh Biełarusi pa stanie na 1 žniŭnia 2021 hoda skłaŭ $18,4 młrd, skaraciŭšysia za studzień — lipień na $0,2 młrd, abo na 1,1%.
-
Novaje pakaleńnie hiendyrektaraŭ: moładź i daloka nie «krepkija chaziajśćvieńniki» masava ŭznačalvajuć tryljonnyja biznesy
-
Nie tolki Hrodna. Stała viadoma, u jakich jašče haradach Biełarusi źjavicca taksi Bro Car
-
U Centralnuju i Uschodniuju Jeŭropu ciakuć miljardy: rekordnyja inviestycyi, niahledziačy na niavyznačanaść
Kamientary