Mince pies, sałodkija košyki z načyńniem — adzin z samych starych simvałaŭ Rastva ŭ Anhlii.
Fota: BBC
Ich abažali chobity. Ich hatavała Džejn Ejr. Ciapier, kali da Rastva zastałosia ŭsiaho čatyry tydni, samy čas navučycca vypiakać hetyja kaladnyja košyki i nam. Prapanujem vam prosty recept ad BBC, ź jakim daduć rady navat dzieci (pad pryhladam, viadoma).
Dla kaladnych košykaŭ vam spatrebicca:
- 225 hramaŭ chałodnaha śmietankovaha masła, pasiečanaha na kubiki (plus troški masła, kab zmazać formački)
- 350 hramaŭ muki
- 100 hramaŭ cukrovaj pudry
- ščopatka soli
- 1 maleńkaje jajka, uźbitaje
- cukrovaja pudra dla pasypki
- 280 hramaŭ sumiesi fruktaŭ, suchafruktaŭ i śpiecyj
- Raźmiašajcie masła z mukoj, dadajcie cukrovaj pudry i ščopatku soli.
- Vymiesicie ciesta. Jano musić być dosyć ćviordym.
- Razahrejcie duchoŭku da 200S/180S. Zmažcie 18 ałavianych formačak-košykaŭ masłam. Zapoŭnicie formački dla vypiečki ciestam. Dla hetaha skatajcie jaho ŭ maleńkija šaryki, pamieram z hrecki harech, i raściśnicie šaryki ŭ formačkach.
- Pakładzicie pa łyžcy fruktovaj sumiesi ŭ kožny košyk. Sumieś fruktaŭ i śpiecyj dla načynki možna kupić hatovuju, a možna pryhatavać samim: drobna narezanyja cukaty, łupinki apielsina, cedru limona, paciortyja jabłyki, vysušanyja jahady, zacukranyja frukty, jakija znojducca doma, pieramiašać, dadać cukar, muskatny harech, imbierac, cynamon, kardamon, sok limona, viski i ŭsio heta patušyć na śmietankovym maśle. Praporcyja fruktaŭ da cukru budzie 7:1.
- Nakryjcie kožny košyk kruhłym kavałačkam ciesta. Dla hetaha skatajcie ź ciesta šaryk, mienšy za hrecki harech, i raściśnicie hety šaryk miž dałoniami. Tut možna ekśpierymientavać i nakryć košyki, naprykład, kavałačkam ciesta ŭ formie zorki.
- Zmažcie košyki źvierchu ŭźbitym jajkam.
- Vypiakajcie 20 chvilin. Pakińcie astudžacca ŭ formačkach na 5 chvilin, zatym pierakładzicie na kratki.
- Pierad padačaj pasypcie cukrovaj pudraj.
Kamientary